काठमाडौं । अमेरिकी सहायता परियोजना मिलिनियम च्यालेन्ज कर्पोरेशन (एमसीसी) सम्झौता प्रतिनिधि सभाबाट पारित भएको छ ।
व्याख्यात्मक घोषणा समेत थप गरेर प्रतिनिधिसभाबाट सम्झौता अनुमोदन भएको हो । अर्थमन्त्री जनार्दन शर्माले पेश गरेको प्रस्तावमा सम्झौता ध्वनि मतले स्वीकृत भएको हो ।
सम्झौताको पक्षमा नेपाली कांग्रेस, नेकपा (माओवादी केन्द्र) र नेकपा (एकीकृत समाजवादी) ले मत दिएका छन् । राष्ट्रिय जनमोर्चा, नेपाल मजदुर किसान पार्टी, राप्रपाले विपक्षमा मत दिए ।
सभामुखविरुद्ध आन्दोलनमा रहेको एमाले भने मतदान प्रक्रियामा सहभागी भएन । अनुमोदनसँगै सम्झौता अब कार्यान्वयनमा आउनेछ । ३१ महिनादेखि सम्झौता प्रतिनिधि सभामा विचाराधीन थियो ।
