यौन दुव्यवहार गर्ने राष्ट्र संघ कर्मचारी हटाइए

संयुक्त राष्ट्र सङ्घको मौसम विज्ञानसम्बन्धी समूहका प्रमुख राजेन्द्र पचौरीले आफ्ना एक सहयोगीलाई यौनजन्य दुव्र्यवहार गरेको दाबी भएपछि उहाँले राजिनामा दिनुभएको जानकारी उक्त समूहले मङ्गलबार दिएको छ । मौसम परिवर्तनका लागि अन्तरसरकारी समूहको विभागले मङ्गलबार आफ्ना उपाध्यक्ष इस्माइल एल–गिजुलीलाई आईपीसीसीका कार्यवाहक प्रमुख बनाउने सहमति व्यक्त गरेको जानकारी दिएको छ । राजेन्द्र कुमार पचौरी, विद्यावारिधिले आजैदेखि लागु हुने गरी आईपीसीसीको अध्यक्षको पदबाट राजिनामा दिएकाले गिजुलीलाई उक्त पद दिइएको उक्त संस्थाले उल्लेख गरेको छ ।
नोबेल शान्ति पुरस्कार प्राप्त उक्त समूहले केन्याको राजधानीबाट उक्त घोषणा गरेको हो । यहाँ यस समूहको चार दिने सम्मेलन मङ्गबार आरम्भ भएको छ । मौसमका लागि महत्वपूर्ण वर्ष भएकोमा विश्वको तापक्रम बढेको विषयमा अध्ययन गर्ने विज्ञानका विषयमा यस सम्मेलनमा छलफल हुनेछ ।
दिल्लीमा केन्द्रीय कार्यालय रहेको र पचौरी प्रमुख रहनुभएको अनुसन्धान संस्था दी इनर्जी एन्ड रिसोर्सेस इन्स्टिच्युट (टेरी) का २९ वर्षीया महिला अनुसन्धानकर्ताले पचौरीले अनुचित सन्देश पठाएको आरोप लगाएकी छिन् । यसपछि पचौरीले नाइरोबीमा आयोजित बैठकमा भाग लिनुभएन ।
मौसम परिवर्तनका खतराका विषयमा प्रमुख भनाइ राख्ने पचौरीले आफूले कुनै खराब काम नगरेको र आफ्नो इमेल एकाउन्ट तथा मोबाइल फोन ह्याक भएको बताउनुभयो । प्रहरीले यस दुव्र्यवहारका विषयमा अनुसन्धान गरिरहेको छ भने उहाँलाई सोमबार तीन दिनका लागि पक्राउ हुननपर्ने अनुमति दिइएको छ ।
संयुक्त राष्ट्र सङ्घको वातावरण कार्यक्रमका कार्यकारी प्रमुख एचिम स्टाइनरले एक विज्ञप्ति प्रकाशन गरी मङगबार लिइएको पाइलाले मौसम परिवर्तनका लागि आईपीसीसीको अभियानमा कुनै बाधा नआउने बताउनुभएको छ ।
विश्वका मुलुकहरूले डिसेम्बरसम्म विश्वव्यापी कार्बन कटौती गर्ने सम्झौतामा हस्ताक्षर गर्ने अपेक्षा गरिएको छ । उक्त सम्मेलनमा आईपीसीसीको पछिल्लो विश्लेषणको नतिजा उपलब्ध गराइनेछ र त्यसलाई पाँचौँ मूल्याङ्कन प्रतिवेदन भनिएको छ ।