बेलायतमा दुबसु क्षेत्री नयाँ राजदूत

लन्डन– रिक्त भएको दुई वर्षपछि बेलायतले नयाँ राजदूत पाउने भएको छ ।

मन्त्रिपरिषदले मंगलबार दुबसु क्षेत्री (दुर्गाबहादुर सुवेदी) लाई मन्त्रिपरिषदको मंगलबार बसेको बैठकले बेलायतका लागि नेपाली राजदूत नियुक्ति सिफारिस गरेको हो । डा.सुरेशचन्द्र चालिसेको कार्यकाल सकिएर उनी नेपाल फर्केपछि यहाँ राजदूत खाली थियो ।

मन्त्रिपरिषदले बेलायतसहित एकैपटक २१ राजदूत नियुक्तिको लागि सिफारिस गरेको हो । संसदीय सुनुवाईपछि राष्ट्रपतिले राजदूत नियुक्ति गर्ने व्यवस्था छ ।

क्षेत्री परराष्ट्र मन्त्रालयका सहसचिव हुन् । उनको परिचय युवा कुटनीतिज्ञसँगै साहित्यमा गजलकारकारुपमा चिनिन्छन् ।

को कहाँ ? सिफारिस

सञ्चारमन्त्री शेरधन राईले बेलायतका लागि दुर्गाप्रसाद सुवेदी क्षेत्री, चीनका लागि महेन्द्रबहादुर पाण्डे, जापानका लागि डा. खड्ग केसी, जर्मनीका लागि रमेशप्रसाद खनाल र अस्टे्रलियाका लागि लक्की शेर्पालाई राजदूतमा सिफारिस गर्ने बैठकले निर्णय गरेको जानकारी दिनुभयो ।

त्यस्तै, डेनमार्कका लागि युगनाथ लम्साल, साउदी अरबका लागि अलि अफर मिकरानी, इजरायलका लागि डा. शिवमाया तुम्वाहाम्फे, दक्षिण कोरियाका लागि युवराज कार्की, बङ्गलादेशका लागि खगेन्द्र बस्याल, श्रीलङ्काका लागि डा नारदनाथ भारद्वाज नियुक्त हुनुभएको छ । रसियाका लागि निरञ्जन थापा, बहराइनका लागि पदम सुन्दास, संयुक्त अरब इमिरेष्ट (दुबई) का लागि भरतबहादुर रायमाझी, कतारका लागि डा महेन्द्र सिंह, इजिप्टका लागि झमिन्द्रप्रसाद अर्याल, पाकिस्तानका लागि सेवा अधिकारी लम्साल र बेल्जियम ब्रसेल्सका लागि लोकबहादुर थापा हुनुहुन्छ ।

साथै, बाज्रिलका लागि ताराप्रसाद पोखरेल, म्यानमारका लागि ऋषिराम घिमिरे र अस्ट्रियाका लागि प्रकाशकुमार सुवेदी रहनुभएको छ भने ओमन अहिले खाली रहेको प्रवक्ता राईले जानकारी दिनुभयो ।