काठमाडौं २४ असोज,। इन्धन अभावका कारण सार्वजनिक यात्रु बोक्ने सवारी साधन थन्किएपछि नेपाल प्रहरीले आजबाट उपत्यकामा निशुल्क बस सेवा संचालनमा ल्याएको छ । नागरिकलाई सहजताका लागि भन्दै प्रहरीले आजबाट उपत्यकामा २ रुट बनाइ बस सेवा संचालनमा ल्याएको छ ।
प्रहरीले निशुल्क बस संचालन गरेपछि सर्वसाधारणहरुले सहज महसुस गरेका छन् । प्रहरीले बिहान ११ बजेदेखि अपरान्ह ४ बजेसम्म बस सेवा शुरु गरेको हो । नक्साल, पुतलीसडक, माइतीघर, कुपन्डोल, पुल्चोक, जावलाखेल, एकान्तकुना, बल्खु, कलंकी, कालीमाटी, त्रिपुरेश्वर, सहिदगेट, रत्नपार्क हुँदै पुन नक्साल सर्वसाधारण निशुल्क आवतजावत गर्न सक्नेछन् ।
जसलाई प्रहरीले १ नम्बर रुट भनेको छ । त्यस्तै २ नम्बर रुटमा नक्साल मैतीदेबी, गौशाला, कोटेश्वर, तिनकुने, बबरमहल माइतीघर, त्रिपुरेश्वर सहिदगेट, लैनचौर, लाजिम्पाट, महराजगंज, बालुवाटार नक्साल छुट्टयाइएको छ ।
यी २ रुटमा सर्वसाधारणले नेपाल प्रहरीले बस सित्तैमा चढ्न पाउनेछन् ।
