लन्डन– बेलायतका लागि नेपाली राजदूत डा. दुर्गाबहादुर सुवेदीले पुस २६ गते बुधबार विश्व ऊर्जा परिषदका महासचिव क्रिस्टोफ फेरीसमक्ष आफ्नो ओहोदाको प्रमाणपत्र पेस गरेका छन् ।
विश्व ऊर्जा परिषदका स्थायी प्रतिनिधिसमेत रहेका राजदूत सुवेदीले फेरीसमक्ष ोहोदाको प्रमाणपत्र पेस गर्दै नेपालमा हालै भएको प्रतिनिधिसभा तथा प्रदेशसभाको निर्वाचन सफलतापूर्वक सम्पन्न भएको जानकारी गराए ।
सुवेदीले नेपालमा करिव ४३ हजार मेगावाट विद्युत् उत्पादन क्षमता रहेको जानकारी दिंदै आर्थिक विकासको मेरुदण्ड रहेको विद्युतको विकास गर्न नेपाल सरकार प्रतिबद्ध रहेको पानि बताए ।
फेरीले परिषदको स्थायी प्रतिनिधि भएकोमा सुवेदीलाई बधाई दिंदै उपयुक्त समयमा नेपाल भ्रमण गर्ने जानकारी दिए ।
उक्त समारोहमा राजदूतावासका काउन्सेलर तथा उपनियोग प्रमुख शरदराज आरणको समेत उपस्थिति रहेको लन्डनस्थित दूतावासले एक विज्ञप्तिमार्फत जनाएको छ।
