काठमाडौ, पुस २७– साताको पहिलो दिन आइतबार सुन तोलामा चार सय रुपैयाँले उकालो लागेको छ । नेपाल सुनचाँदी व्यवसायी महासंघका अनुसार आइतबार सुन प्रतिलाको ५२ हजार दुई सय रुपैयाँमा कारोबार भएको छ ।
गत साताको अन्तिम दिन शुक्रबार सुन तोलामा चार सय रुपैयाँले घटेर ५१ हजार आठ सय रुपैयाँमा कारोबार भएको थियो । गत साताभरमा सुनको मूल्य केही घटेको थियो । यो साता भने सुनको मूल्यले उकालो लाग्ने संकेत देखाएको छ ।
आइतबार चाँदीको मूल्यमा भने कुनै परिवर्त भएको छैन् । शुक्रबार चाँदी तोलामा १० रुपैयाँले घटेर प्रतितोलाको सात सय रुपैयाँमा कारोबार भएको थियो ।
