काठमाडौं- प्रधानमन्त्री केपी शर्मा ओली र एकीकृत नेकपा माओवादीका अध्यक्ष पुष्पकमल दाहालबीच छलफल भएको छ ।
सत्तारूढ दल एमाओवादीको स्थायी समितिको बैठकले सरकार सञ्चालनबारे प्रधानमन्त्रीसँग छलफल गर्न अध्यक्ष दाहाललाई जिम्मा दिएपछि पहिलो पटक दाहालले प्रधानमन्त्री ओलीसँग छलफल गरेका हुन् ।
एमाओवादी बैठकले सरकारको कामकारवाही प्रभावकारी हुन नसकेको निष्कर्ष निकालेको थियो ।
मुलुकको समसामयिक विषयमा दुई नेताबीच छलफल भएको प्रधानमन्त्रीका प्रेस संयोजक चेतन अधिकारीले जनाएका छन् ।
आइतबार हुने उच्चस्तरीय राजनीतिक संयन्त्रको बैठक लगायत विषयमा दुई नेताबीच छलफल भएको जनाइएको छ ।
