लण्डन ।गुल्मी जिल्ला समाज यूके निर्वाचन समितिले शुक्रबार प्रकाशन गरेको उम्मेद्वारको पहिलो सूची अनुसार अध्यक्ष पदमा चार जनाको उम्मेद्वारी सार्बजनिक गरिएको छ ।
अध्यक्ष पदमा वरुण भण्डारी, मञ्जु भण्डारी, रुद्र थापा र तारा भट्टराईको उम्मेद्वारी परेको हो। अध्यक्ष उम्मेद्वारमध्ये थापा वर्तमान महासचिव हुन् भने अरु तीनै जना उपाध्यक्ष हुन्।
नयाँ कार्यसमितिको उपाध्यक्षका लागि मुकुन्दहरि खराल निर्विरोध भएका छन्। र महलाल घिमिरे माहासचिवमा निर्विरोध भएका छन्।
एक सचिवका लागि भने वसन्त खनाल र राधा खरेलको उम्मेद्वारी परेको छ। त्यस्तै, कोषाध्यक्षमा तेजबहादुर श्रीष र सहकोषाध्यक्षमा डम्मर श्रीष निर्विरोध भएका छन् ।
कार्यसमिति सदस्यमा उम्मेद्वारी दिनेमा अर्जुन बस्नेत, दीपक थापा मैथाने मगर, गुनबहादुर थापा, कपुर श्रेष्ठ, काशिराम भण्डारी, माया केसी, रामप्रसाद पन्थी, शर्मिला भण्डारी, सुरेश केसी र सूर्यविक्रम केसी निर्विरोध भएका छन् ।
फत्त थापा संयोजक रहेको निर्वाचन समितिमा बालजंग अर्याल र राजेन्द्र श्रेष्ठ सदस्य छन्।
निर्वाचन समितिका संयोजक फत्त थापाले जारी गरेको सूचनाअनुसार प्रकाशित उम्मेद्वारको नामावलीमा दावीविरोध गर्न अप्रिल ८ तारिख बेलुका ५ बजेसम्म समय दिइएको छ।
त्यस्तै, अप्रिल १३ तारिख साँझ ५ बजे योग्य उम्मेद्वारको अन्तिम सूची सार्वजनिक गरिनेछ भने आफ्नो उम्मेद्वारी फिर्ता लिन चाहे अप्रिल २९ तारिख साँझ ५ बजेसम्म समय उपलब्ध गराइएको छ।
अप्रिल ३० तारिख उम्मेद्वारको अन्तिम नामावली प्रकाशन गर्ने र मे ५ तारिख निर्वाचन हुने तालिका छ।
समाजको नयाँ कार्यसमिति निर्वाचित गर्ने अधिवेशन आगामी मे ५ मा अल्डरसटमा हुँदैछ।
