कार्यवाहक राजदूत क्षेत्रीलाई गुल्मी जिल्ला समाज यूकेले एक कार्यक्रमकाबीच बिदाई गर्ने

लण्डन । बेलायतमा आफनो कार्यकाल सकिएर नेपाली फर्किन लागेका कार्यवाहक राजदूत तेजबहादुर क्षेत्रीलाई गुल्मी जिल्ला समाज यूकेले एक कार्यक्रमकाबीच बिदाई गर्ने भएको छ ।

आउंदो शनिबार जुन २५ को दिउंसो १ बजे अल्डरसटस्थित निरमाया रोधीघरमा क्षेत्रीको बिदाई कार्यक्रम तय गरिएको छ । सोहि कार्यक्रममा क्षेत्री समाज बेलायत र ग्रेटर रश्मोर नेपाली कम्युनिटीले पनि कावा राजदूत क्षेत्रीको बिदाई गर्ने भएका छन् ।

सो कार्यक्रममा अहिले बेलायत भ्रमणमा रहेका वरिष्ट लोकगायक बमबहादुर कार्की र गायिका शिवा आले पनि सहभागी हुने गुल्मी जिल्ला समाज यूकेका महासचिव शिव भण्डारीले जानकारी दिए ।

त्यसक्रममा कार्की र आलेलाई समाजले बेलायतमा स्वागत तथा सम्मान गर्नुका साथै उनीहरुले केहि सांगीतिक प्रस्तुति पनि गर्नेछन ।

कार्यक्रममा उपस्थितिका लागि समाजका अध्यक्ष राम गलामीले बेलायतबासी गुल्मेलहिरुसहित सबैमा आव्हान गरेका छन ।

चार वर्षे कार्यकाल पूरा गरी कावा राजदूत क्षेत्री यहि महिनाको अन्त्यमा नेपाल जांदैछन ।