काठमाडौं- भारतमा जारी १२ औं दक्षिण एसियाली खेलकुद अन्तर्गत सोमबार नेपालले पहिलो स्वर्ण पदक जितेको छ । उसुको नान्ताओउतर्फ १६ बर्षीया निमा घर्तीमगरले नेपालका लागि पहिलो स्वर्ण पदक दिलाएकी हुन् ।
आइतबार भएको पहिलो चरणमा उनले ८.४५ र सोमबार भएको दोश्रो चरणमा ८.४६ कुल १६.९१ अंक प्राप्त गर्दै उनले स्वर्ण जितेकी हुन् ।
रुकुम घर भएकी निमा ललितपुरको ग्वार्कोमा बस्छिन् भने उनी डनबस्को बोर्डिङ स्कुलमा कक्षा १० मा अध्ययनरत छिन् । उनको यो पहिलो अन्तर्राष्ट्रिय सहभागिता हो ।
