लण्डन । प्रवासी नेपाली मंच (ओएनअफ) युकेले दशैं-तिहार, नेपाल सम्बत् तथा छठ पर्वको अवसरमा शुभकामना साँस्कृतिक साँझ गर्ने भएको छ । अक्टोबर २ तारिक सोमबारका दिन लेस्टरमा शुभकामना साँस्कृतिक साँझ हुने भएको हो ।
उक्त साँस्कृतिक साँझमा वरिष्ठ जनवादी गायक जीवन शर्मा लोक तथा दोहोरी गायक राजु परियार,गायिका शिला आले र पूर्णकला बि.सी लगाएतको सांगीतिक प्रस्तुति रहने प्रवासी नेपाली मंच युके गोर्खा मामिला तथा संघ सस्था समन्वय बिभागका प्रमुख पशुपति पोखरेलले लण्डन नेपाल न्युजलाई बताए ।
कार्यक्रमममा बेलायतको मिडल्यान्ड क्षेत्रबाट एनआरएन मा प्रतिनिधित्व गर्नुहुनेलाई सम्मान कार्यक्रम समेत राखिएको राखिएको पोखरेलले बताए ।
विभिन्न ठाउमा रहेका नेपालीहरुलाइ यस्ता किसिमका नेपाली चाडपर्वहरुले नेपाली हरुको बिचको सद्भाव कायम रहने र सबै नेपालीलाइ एकतामा जोड्न मद्धत गर्ने हुदा यस्तो किसिमको कार्यक्रम गर्न लागिएको अध्यक्ष तुङ्गभद्र भुसालले बताए ।
कार्यक्रमलाइ केहि भिन्न बनाउन प्रमुख अतिथि तथा बिशिस्ट अतिथिहरु नाखिएको जानाकारि दिदै पोखरेलले भने ” कार्यक्रमको मुख्य उद्देश्य चाडपर्व लक्षित शुभकामना र नितान्त सास्कृतिक कार्यक्रम भएको हुदा भाषण भने राखिएको छैन ।”कार्यक्रम अक्टोबर २ तारिक सोमबारका दिन द जंगल क्लब २१ चेकिड्स रोड लेस्टरमा हुने र प्रवेश नि:शुल्क रहेको पोखरेल बताए ।
प्रवेश निशुल्क रहेको कार्यक्रममा सहभागिता भइदिन सबैलाई अनुरोध गरिएको छ ।
