लण्डन ।किरात राई यायोक्खा (किराया) बेलायतले आउँदो नोभेम्बर १२ का दिन नेपाली सांगीतिक आकासका सुप्रसिद्ध गायक ‘राई इज किङ्’ राजेशपायल राई एकल सांगीतिक साँझ तथा सम्मान कार्यक्रम गर्ने भएको छ
आउँदो नोभेम्बर १२ का दिन अल्डरसट एम्प्यायर हलमा हुने सो कार्यक्रमका राई ईज किङ नामले परिचित चर्चित गायक राजेश पायल राई बेलायत आईपुगेका छन् । बुधबार लण्डनस्थित हिथ्रो एयरपोर्टमा अवतरण गरेका राईलाई भव्य स्वागत गरिएको छ । 
किरात राई यायोक्खा (किराया) बेलायतले विमानस्थलमै उनको भव्य स्वागत एवम् सम्मान गरेको हो । गायक राईको स्वागतका लागि किरायाका अध्यक्ष चन्द्रबहादुर राई,उपाध्यक्षहरु क्याप्टेन सुमन चन्द्र राई, मेजर दिल कुमार राई, अनिता राई त्यसैगरी महासचिव चन्द्रवती राई एवम् उप-महासचिव प्रमिला लाबुङ राई र सचिव गंगाराज राई, सदस्य रन्जना राई,मिलन चन्द्र राई,प्रमुख सल्लाहकार पदम राई बिइएम लगायतका पदाधिकारीहरु तथा गायक राजेश पायल राईका पिता रत्न राई सहित बेलायतवासी किरात राईहरुको उल्लेख्य उपस्थिति थियो ।
कार्यक्रमको आवश्यक तयारी पुरा भएको र गायक राई पनि आई सकेकाले बेलायतबासी नेपालीहरुलाई कार्यक्रममा उपस्थित हुन कार्यक्रमका मिडिया सयोंजक प्रमिला लाबुङ राईले सबैसगं अनुरोध गरेकी छन् ।
कार्यक्रममा उपस्थितिका लागि बेलायतमा रहेका विभिन्न संघ संस्था तथा नेपाली समाजका प्रतिष्ठित व्यक्तिहरुलाई निमन्त्रणा सहित पत्राचार गरिसकिएको र अन्य सम्पूर्णलाई पनि यही सुचनालाई आधार मानेर कार्यक्रममा उपस्थित हुनका लागि कार्यक्रम सयोंजक उपाध्यक्ष क्याप्टेन सुमन चन्द्र राईले आग्रह गरे ।
किरायाले राई इज किङ् एकल सांगीतिक साँझलाई भब्य, आकर्षक र अझ जीवन्त बनाउन बेलायतकै उत्कृष्ट वाद्य वादकहरुको प्रत्यक्ष ब्याण्ड समेत रहने जनाएको छ ।
अल्डरसटको एम्पायर हलमा हुने कार्यक्रम साँझ ६ बजेदेखि सुरु हुनेछ । हल प्रवेशका लागि भने चार बजेबाट खुल्ला रहनेछ ।
बिमानस्थलमा सुप्रसिद्ध गायक राजेश पायल राई लाई भब्य स्वागत,के भने त गायक राजेश पायल राईले लाईभ भिडियो हेर्नुस्
