लण्डन । संघीय लोकतान्त्रिक सामाजिक मञ्च प्रवास समिति युकेको १५ औँ ऐतिहासिक बार्षिकोत्सव एवम् विस्तारित सभा तथा सघींय लिम्बुवान सामाजिक मञ्च प्रवास समिति युकेको विस्तारित सभा २६ मार्चमा थरक, गरेजमा सम्पन्न भएको छ ।
मञ्चले आफ्नो १५ औँ बार्षिकोत्सव समारोह ऐतिहासिक रुपमा भव्य कार्यक्रम गरी मनाएको छ । बार्षिकोत्सवको अवसरमा समितिले विभिन्न पदोन्नती प्रस्ताव तथा पार्टी प्रवेश घोषणा साथै बधाई,शुभकामना,जेष्ठ सदस्य सम्मान लगायतका कार्यक्रमहरु सम्पन्न गरेको छ । ऐतिहासिक संयुक्त विस्तारित सभाले विभिन्न व्यक्तित्वहरुलाई पदोन्नति तथा पार्टी प्रवेश गराएको छ ।
जसमध्ये संघीय लोकतान्त्रिक सामाजिक मञ्च प्रवास समिति यूकेको उपाध्यक्षहरुमा क्रमश : खड्गजङ आङ्बुहाङ, याम गुरुङ, सह-अर्थसचिवमा बुद्धहर्क लाओती र सदस्यमा मेहेरमान तामाङ चयन भएका छन् । त्यस्तै संघीय लिम्बुवान सामाजिक मञ्च प्रवास समिति यूकेको उपाध्यक्षमा जगत सुहाङ, सचिवालय सदस्यमासुरेन्द्र कुमार लिम्बु, केन्द्रीय सदस्यमा पुणर् तेयुङ र सल्लाहकारहरुमा क्रमस बि.के इजम सुब्बा, खड्गजङ आङ्बुहाङ र दिपक तुम्बापो रहेका छन् ।
सोहि संयुक्त विस्तारित सभाले विभिन्न महत्वपूणर् निणर्यहरु एवम् भावि कार्ययोजना तयार गरेको छ । जसअन्तर्गत आगामी तीनै तहको निर्वाचनलाई मध्यनजर गर्दै तुरुन्त अरुण पूर्वका ९ जिल्ला लिम्बुवानमा सशक्त जिल्लाजागरण अभियान संचालन गर्न केन्द्र नेपालसंगे पहलकदमी गर्ने, संघीय लोकतान्त्रिक राष्ट्रिय मञ्च नेपाल अन्तर्गत प्रवास समिति यूकेमा रहेका सम्पूणर् सदस्यहरुले पार्टीको ४ बर्षे योजनालाई अङ्गीकार गर्दै आगामी तीनै तहको निर्वाचनलाई सफल बनाउन लागि पर्ने लगायतका निणर्य गरेको छ ।
त्यस्तै संघीय लोकतान्त्रिक सामाजिक मञ्च यूके र संघीय लिम्बुवान सामाजिक मञ्च यूकेको संयुक्त पहलकदमीमा यूकेमा गठन हुन बाँकी रहेका सामाजिक मञ्चहरुको गठनलाई सशक्तरुपमा अगाडि बढाउने र संघीय लोकतान्त्रिक राष्ट्रिय मञ्च नेपालको चैत्र ८ गते सम्पन्न भएको पदाधिकारीको बैठकले पारित गरेको सेरिल नम्बर २ को निणर्यमा विधान, विनियम र प्रक्रिया बिपरित गठन गरिएको कथित सर्मिला यक्सो अध्यक्ष रहेको भनिएको संघीय लोकतान्त्रिक सामाजिक मञ्चयुके समितिलाई मान्यता प्रदान गरिएको लज्जास्पद निणर्य भन्दै संयुक्त विस्तारित बैठकले घोर आपत्ति समेत प्रकट गरेको छ ।
त्यस्तै सोही अवसरमा संघीय लोकतान्त्रिक राष्ट्रिय मञ्चका संथापक अर्थसचिव एवं सं.लो.सा. मञ्चका प्रमुख सल्लाहकार चुडामणी तुम्बाहाङ्फेले पार्टीको बिगत र वर्तमान अवस्थाबारे जानकारी गराउँदै संस्थाको काम,कर्तव्य र अधिकार तथा यसले गरिरहेका कार्यहरुका विषयमा प्रकाश पारेका थिए ।
कार्यक्रममा सचिव किशोर तिल्लिङले सुरक्षा सम्बन्धी जानकारी गराएका थिए भने शहिदहरुको फोटोमा माल्यार्पाण एवम् सम्मान समेत व्यक्त गरिएको थियो ।
कार्यक्रम सं.लि.सा. मञ्च युकेका अध्यक्ष टकं खापुङको अध्यक्षतामा र सं.लो.सा. मञ्च यूकेका अध्यक्ष देबी बहादुर तुम्बाहाङ्फेको प्रमुख आतिथ्यमा तथा विशेष अतिथिमा चुडामणि तुम्बाहाङ्फे साथै बुद्धिजीवी अतिथिमा बि.के इजम रहेका थिए । उपाध्यक्ष नर कुरुम्बाङको स्वागत मन्तव्य एवम् महासचिवहरु राम इजम, दिपक तुम्बापो तथा उपमहा सचिव लाल लिङदेनको सञ्चालनमा कार्यक्रम सम्पन्न भएको थियो ।
कार्यक्रमको लाईभ प्रशारण लण्डन न्यूज नेपालबाट भएको थियो त्यसको विस्तृत जानकारी यो भिडियो मार्फत हेर्नुहोस्
