ऐजेन्सी । रुसले युद्धविरामको घोषणा गरेको छ । युक्रेनसगंको द्धन्द्धको १० औँ दिन मानवीय सहायताका लागि भन्दै रुसले युद्धविरामको घोषणा गरेको हो ।
कियभमा रहेका बीबीसी संवाददाता जेम्स वाटरहाउसका अनुसार रुस र युक्रेनबीच जारी युद्धको दशौँ दिन रुसले युद्धविरामको घोषणा गरेको छ ।
सामाजिक सञ्जालमा गरिएको एक पोस्टमा उनले रूसी रक्षा मन्त्रालयले रूसी सेनाले मस्कोको समयानुसार १० बजेदेखि हमला रोक्ने जनाएको बताएका छन् । यसबाट मानिसहरूलाई मद्दतका लागि मानवीय कोरिडोरहरू खोल्न सकियोस् ।
यसमार्फत् मारिउपोल र भोल्नोभाखा शहरका नागरिकलाई शहरका नागरिकहरूलाई मद्दत गरिने बताइएको छ । रुसी सरकार समर्थित मिडिया स्पुतनिकले पनि यो युद्धविराम ६ बजेदेखि लागू हुने र यस अवधिमा सर्वसाधारणलाई सहयोग गर्न मानवीय करिडोर खोलिने जानकारी दिएको छ ।
#BREAKING | Russia declares ceasefire in Ukraine from 06:00 GMT to open humanitarian corridors for civilianshttps://t.co/9dUl99UrOV pic.twitter.com/zK4gpPbdnb
— Sputnik (@SputnikInt) March 5, 2022
युक्रेनको धेरैजसो क्षेत्रमा विनाशकारी मानवीय संकटको आशंका व्यक्त गरिएका बेला युद्धविरामको घोषणा गरिएको हो । कियभ, खार्किभ, सुमी, चेर्निगोभ र मारिउपोल शहरहरू सबैभन्दा बढी प्रभावित छन् ।
युक्रेनका राष्ट्रपतिका सहयोगी मिखाइल पोडोलियाकले करीब २ लाख मानिसहरू मारिउपोलबाट निल्कने प्रयास गरिरहेको बताएका छन् । त्यस्तै २० हजार मानिस डोनेट्स्क क्षेत्रको भोल्नोभाखा क्षेत्र छाड्न चाहेको उनले उल्लेख गरेका छन् ।
हाल युक्रेनको सबैभन्दा ठूला बन्दरगाह भएका दुई शहर मारिउपोल र भोल्नोभाखालाई रुसी सेनाले घेरेको छ । बीबीसी
