लन्डन । चर्चित अभिनेत्री रोशनी केसीले निर्माण गरेको फिल्म ’जानी नजानी’ आगामी मार्च १५ मा रिलिज हुने भएको छ ।

रोशनी इन्टरटेन्मेनटको ब्यानरमा निर्मित फिल्म ’जानी नजानी’मा कलाकारहरु मनिष श्रेष्ठ, निरिशा बस्नेत, सन्नी सिंह र नम्रता श्रेष्ठ फिचर्ड छन् । पुराना कलाकार तथा निर्देशक विश्व बस्नेतको छोरी निरिशा यसै फिल्म मार्फत फिल्मनगरीमा डेब्यु गर्दै्छिन ।

यसैगरी प्रकाश अधिकारी , कृष्ण भक्त महर्जन , रोशनी केसी लगायतको पनि अभिनय रहेको छ । आधुनिक प्रेम कथामा आधारित फिल्मको कथा , पटकथा र संवाद सामिप्यराज तिमिल्सेनाले लेखेका हुन् भने यसै फिल्म मार्फत बसन्त अधिकारी निर्देशनमा डेब्यु गर्दैछन । फिल्ममा छायाँकन संजय लामाको रहेको छ भने संगीत अर्जुन पोखरेलले दिएका छन् । फिल्ममा कविराज गहतराज , प्रविन सिंह र शिशिर खातीको कोरियोग्राफी रहेको छ ।

चर्चित अभिनेत्री रोशनी केसी,मोदनाथ खनाल र सागर काजी मालीको निर्माण रहेको फिल्ममा अर्जुन जिसीको सम्पादन , बसन्त घर्ति मगरको भीएफएक्स रहेको छ ।

 

फेसबुक कमेन्ट