लन्डन– लन्डनबाट ‘भिजिट नेपाल २०२०’ अभियान सुरु भएको छ ।
नेपाल घुम्न जाने बेलायती पर्यटकको संख्या वर्षेनी वृद्धि भइरहेकोबेला शुक्रबार साँझ बेलायतस्थित नेपाली दूतावासमा आयोजित एक कार्यक्रममा ‘भिजिट नेपाल २०२०’ सुरु भएको हो ।
बेलायतका लागि नेपाली राजदूत डा’ दुर्गाबहादुर सुवेदीले बेलायती पर्यटकको संख्या वर्षेनी बढिरहेको जनाउँदै बेलायत सरकारले नेपालको पर्यटन पूर्वाधारमा गरेको सहयोगप्रति आभार व्यक्त गरे ।
नेपाल सरकारले एक सय नयाँ पर्यटकीय गन्तव्य विस्तार गर्न लागेको जनाउँदै प्राकृतिक, साँस्कृतिक र साहसिक पर्यटनका लागि नेपाल भ्रमण गर्न बेलायतीलाई आग्रह गरेका थिए ।
सुवेदीले लोन्ली प्लानेट, नेशनल जियोग्राफिक च्यानल समेतले ले नेपाल विश्वमै घुम्न लायक उत्कृष्ट देशको सूचीमा सूचीकरण गरेको,बताए ।
कार्यक्रममा प्रमुख अतिथि एवं सर्वदलीय संसदीय समूहका नेपाल उपाध्यक्ष लर्ड शेखले आफू दुई पटक नेपाल पुगेको स्मरण गरे । ‘नेपाली जनताको आतिथ्य, हार्दिकता र देशको प्राकृतिक सौन्दर्यले निकै प्रभावित भएको छु,’ उनले भने ।
कार्यक्रममा नेपालका विविध पक्षहरु समेटिएको प्रस्तुति दूतावासका उपनियोग प्रमुख शरदराज आरणले गरेका थिए । कार्यक्रम दूतावासका थर्ड सेक्रेटरी तेजेन्द्र रेग्मीले सञ्चालन गरेका थिए ।
कार्यक्रममा स्थानीय कलाकारले विभिन्न जातजातीको संस्कृति झल्कने नृत्य समेत प्रस्तुत गरे ।
यसैबीच दूतावासले नेपाल पत्रकार महासंघ बेलायत शाखाको हालै निर्वाचित चौथो कार्यसमितिलाई वधाइसहित सम्मान गरेको छ ।नेपाल पत्रकार महासंघ बेलायत शाखाको हालै निर्वाचित चौंथो कार्यसमितिलाई लन्डनस्थित नेपाली दूतावासले वधाइसहित सम्मान गरेको छ ।
शुक्रबार सांझ ‘भिजिट नेपाल २०२०’ अभियान शुभारम्भका अवसरमा लन्डनस्थित नेपाली दूतावासमा आयोजित विशेष समारोहमा अध्यक्ष नरेश खपांगीमगर नेतृत्वको पत्रकार महासंघ बेलायतको चौंथो कार्यसमितिलाई सम्मान गरिएको हो ।
कार्यक्रमका प्रमुख अतिथी लर्ड शेख र राजदूत डा. दुर्गाबहादुर सुवेदीले पत्रकारहरुलाई सम्मान गरे । दूतावासमा संस्थागत रुपमा नेपाल पत्रकार महासंघ यूकेलाई सम्मान गरिएको यो पहिलो हो । स्वागत मन्तव्यका क्रममा राजदूत डा. सुवेदीले बेलायतस्थित नेपाली पत्रकारहरुले समुदायलाई सुसूचित गराउन महत्वपूर्ण भूमिका निर्वाह गरेको बताए ।
राजदूतले नरेश खपांगीमगर नेतृत्वको कार्यसमितिले विगतमा समेत प्रशंसनीय कार्य गरेको जनाउंदै अबको कार्यकाल अझ सफल रहोस् भनि शुभकामना दिए ।
यसैबीच, महासंघ अध्यक्ष खपांगीमगरले दूतावासले नयां कार्यसमितिलाई विशेष महत्व दिएर सम्मान गरेकामा आभार व्यक्त गरेका छन् । सम्मानले आफूहरुलाई पेशाप्रति अझ जिम्मेवार हुन प्रेरित गरेको मगरले बताए ।
दूतावासमा आयोजित विशेष समारोहमा अध्यक्ष नरेश खपांगी मगर सस्थापक अध्यक्ष नविन पोख्रेल,भागिरथ योगी बरिष्ठ उपाध्यक्ष श्याम लुइँटेल, ध्रुवराज अर्याल, उपाध्यक्ष बिमला सेने ,महासचिव संजयभक्त कंडेल,सचिव शिब भण्डारी, जगन्नाथ कार्की कोषाध्यक्ष सिद्धार्थ बिक्रम क्षेत्री सदस्यहरु बोमबहादुर थापा गणेश खड्का खेमराज रानाभाट यसै गरी पत्रकार फडिन्द्र भट्टराई बिपिन नीरौला समेतको उपस्थिति रहेको थियो।
