काठमाडौँ महानगरपालिकाको मतगणना बिहान ११ बजेदेखि सुरु गर्ने निर्णय सर्वदलीय बैठकले गरेपनि झण्डै १२ बजे मात्रै मतगणना सुरु भएको हो ।
वडा नम्बर १ र ३२ बाट मतगणना सुरु भएको छ ।
काठमाडौं महानगरपालिकाका १६९ पदका लागि ८६७ को उम्मेदवारी परेको छ ।
प्रमुखमा २८, उपप्रमुखमा १३ जनाको उम्मेदवारी परेको काठमाडौमा एमाले-राप्रपा गठबन्धन बनेको थियो ।
काठमाडौँमा हेभिवेट दलहरुसहित नयाँ शक्ति दाबी गर्ने विवेकशील नेपाली, साझा पार्टी र नयाँ शक्ति नेपाल पनि चुनावी मैदानमा रहेको छ ।
