लन्डन– चर्चित लोकगायिका देविका केसीले यस वर्षको तीज यूके बसाइ पछि क्यानडामा मनाउने भएकी छन् । यूकेका विभिन्न ठाउँमा हुने तीज विशेष कार्यक्रममा देविकाको साथमा बेलायतवासी नेपाली दिदी बहिनीका तिज बिशेस कार्यक्रम भब्य भएका छन् ।
देविकाले बेलायतमा हालसम्म १० वटा कार्यक्रम भइसकेको जानकारी दिइन् । यूके बसाइमा अरु पनि कार्यक्रम गर्ने योजना छ ।
गायिका देविकाले मंगलबार भने चाल्टनवासी नेपालीहरुसँग प्यारिस अफ आवर लेडी अफ ग्रेसमा तीज मनाउने भएकी छन् । समाजको वार्षिक साधारणसभाबाट टंक कँडेलले नेतृत्व लिएपछि पहिलोपटक भव्यरुपमा तीज मनाउने कार्यक्रम तय भएको छ ।
यसैबीच समाजका पूर्वअध्यक्ष रोमनाथ पाण्डेलको आफ्नो सफल कार्यकालपछि आयोजना भएको कार्यक्रममा सहभागी हुन साउथ इस्टसहित लण्डनमा बसोबास गर्ने सबै नेपालीमा अपिल गरेका छन् ।
लोकदोहोरी गायमा चर्चित देविकाले स्टेजबाट झरेर सबै उमेर समूहका दर्शकलाई नचाउने क्षमता राख्छिन् ।
उनले हालैमात्र सन्दीप न्यौपानेका साथ यो वर्षको नयां तीज गीत ‘मेरो मुटुमा केन्द्रविन्दू पारी’ सार्वजनिक गरेकी छिन् । उनका चर्चित लोकगायक पशुपति शर्मासँग गाएका ‘हामी नेपाली’ ‘पैसो’ ‘नेपाली नै होइन’ ‘बुहारीको पोइ हामीलाई कोइ न कोइ’ ‘बाजी ठोक्न आउ झिल्के’लगायतका चर्चित गीत गाएकी छन् ।
उनले सन्दिप न्यौपानेसँग रातो सारी, खुमन अधिकारीसँग फेसबुक चल्ने खाले आदि पनि चर्चित छन् । यसअघि नेपाली नयाँ वर्ष कार्यक्रममा यूके आउँदा पनि देविकाले कयौं कार्यक्रम गरि बेलायतवासी नेपालीको मन बटुलेकी थिइन् ।
देविकाले तीजका बाँकी दिन भने क्यानडामा बिताउनेछिन् ।बेलायतको कार्यक्रम सकेर उनी आगामी ३० तारिखमा क्यानडा जाने कार्यक्रम छ ।
मंगलबार दिउंसो १ बजेदेखि राती १० बजेसम्म कार्यक्रममा सहभागिताका लागि वयस्कलाई १० र बालबालिकालाई ५ पाउण्डको टिकट लाग्नेछ ।
