पिटरबोरोमा नेपाली नयॉवर्ष भव्यताकासाथ सम्पन्न

पिटरबोरो,

क्याम्ब्रिशेयरको पिटरबोरो र वरपर बस्ने नेपालीहरूले नेपाली नयॉवर्ष २०७३ लाई भव्यताकासाथ स्वागत गरी मनाएका छन् । करिब दुईसय नेपालीहरूको सहभागिता भएको नयॉवर्ष कार्यक्रममा नेपालका चर्चित गायक शिव परियारले लगातार दुई घण्टा नेपाली गीत गायेर सहभागीहरूलाई भरमुर मनोरन्जन दिएका थिए ।

पिटरबोरोको वेस्टउड हलमा पिटरबोरो नेपाली समाजको आयोजना र गोर्खा नेपाली कम्युनिटी पिटरबोरोको सहभागितामा यही अप्रिल ११ मा सम्पन्न नयाँवर्ष कार्यक्रममा गायककार सुमिर ज्ञवालीले गीत र गीतकार नृपेश उप्रेतिले गजल गायेका थिए । स्थानीय कलाकार रहना शर्मा, रोजिना कार्की, सुमी ढकाल,स्नेहा भट्ट,रिया केसी,आर्शिया खरेल,सिजन भूसाल र सोनासा भट्टराईले नृत्य प्रतुस्त गरेका थिए ।

पिटरबोरो नेपाली समाजका अध्यक्ष केशब भण्डारीको सभापतित्वमा संचालित कार्यक्रममा एनअारएनयुकेका सल्लाहाकार कमल भण्डारी, सर्जनशील लेस्टर समाजका दयानिधी सापकोटा, शान्ति नेपाली समाज वेलायतका
काशी राज शर्मा र पिटरबोरो सिटी काउन्सीलर गुल नवाजले नयॉवर्षको शुककामना व्यक्त गरेका थिए ।

पिटरबोरो नेपाली समाजका महासचिव पवन शर्माले संचालन गरेको पहिले चरणको औपचारिक कार्यक्रममा समाजका उपाध्यक्ष रामबाबु कोइरलाले र गोर्खा नेपाली कम्युनिटीका दल बुढाथोकीले स्वागत मन्तव्य दिएका थिए।

दोस्रो चरणको सास्कृतिक कार्यक्रम गीतकार नृपेश उप्रेतिले संचालन गरेका थिए । साँझ पाचबजेदेखि राति एघारबजेसम्म रहेको नयॉवर्षको शुभकामना पार्टीमा नेपाली खानपिनका साथ शिव परियारको गायनमा सहभागिहरू नाचगान गरी रमाएका थिए।
कार्यक्रमको अन्त्यमा अध्यक्ष केशब भण्डारीले सबैलाई धन्यवाद दिदै समाजको तर्फबाट नयॉवर्ष २०७३ को शुभकामना दिएका थिए ।