काठमाडौं– प्रमुख विपक्षी नेपाली कांग्रेसले आन्दोलनरत संयुक्त लोकतान्त्रिक मधेसी मोर्चासँगको वार्तालाई थप तीब्र बनाउने भएको छ ।
शनिबार बिहान सभापति सुशील कोइरालाको निवास महाराजगञ्जमा बसेको पदाधिकारी बैठकले तराई मधेसमा जारी आन्दोलन वार्ताका माध्यमबाट समाधान गर्न मोर्चा र अन्य पक्षसँग छलफल गर्ने तय भएको महामन्त्री प्रकाशमान सिंहले जानकारी दिए ।
बैठकले सरकारका काम कारबाहीप्रति तीब्र असन्तुष्टि जनाएको छ ।
