लण्डन ।
बेलायत भ्रमणमा रहेका भारतीय प्रधानमन्त्री नरेन्द्र मोदीको विरोधमा नेपालीहरुले प्रदर्शन गरेका छन् । भारतीय प्रधानमन्त्री मोदी तीन दिने भ्रमणका क्रममा बिहीबार लण्डन पुगेका हुन् । उनको विरोधमा नेपालीहरुले प्रदर्शन गरेका छन् । 
नेपालको आन्तरिक मामिलामा हस्तक्षेप गरेको र नेपालमाथि नाकाबन्दी गरेको भन्दै बेलायतमा बस्दै आएका नेपालीहरुले प्रदर्शन गरेका हुन् । नेपालीहरुले बेलायती प्रधानमन्त्रीको कार्यालय नजिकै रिचमण्ड टेरेसमा मोदीविरुद्ध प्रदर्शन गरेका छन् ।
प्रदर्शनमा सात सयभन्दा बढी नेपाली सहभागी भएका छन् ।प्रदर्शनमा सहभागीहरुले हातमा नेपालको राष्ट्रिय झण्डा तथा प्ले कार्ड बोकेका थिए । लण्डनमा नेपालीहरुको यो अहिलेसम्मकै ठूलो प्रदर्शनमा मानिएको छ ।
