काठमाडौं, कार्तिक १४ । नन्दबहादुर पुन अर्थात् नन्दकिशोर पुन ‘पासाङ’ नेपालको कम्युनिष्ट आन्दोलनमा विद्रोही लडाकूको कमान्डर हुँदै देशको दोस्रो सर्वोच्च पद उपराष्ट्रपतिमा निर्वाचित भएका छन् ।
मुलुकको दोस्रो उपराष्ट्रपति नन्दबहादुर पुनको जन्म २०२२ साल कार्तिक ७ गते रोल्पा जिल्लाको राङसी गाविसमा आमा मनसरा र वुवा रामसुर पुनका माहिलो छोराको रुपमा भएको थियो ।
२०३७ सालमा ६ कक्षामा पढ्दै गर्दा उनी मोहनविक्रम सिंहले नेतृत्व गरेको तत्कालीन नेकपा चौंथो महाधिवेशनसम्बद्ध अखिल छैटौंको इकाइ अध्यक्ष भएर राजनीतिमा प्रवेश गरे ।
एसएलसी उतीर्ण गरेपछि २०४२ सालमा आफ्नै गाउँ राङसी माविमा खेलकुद शिक्षक भए । ०४५ सालमा प्रमाणपत्र तह उत्तीर्ण पासाङले भारतबाट स्नातक र शान्ति प्रक्रियामा आएपछि त्रिभुवन विश्वविद्यालयबाट राजनीतिशास्त्रमा स्नातकोत्तर अध्ययन सुरु गरे । यद्यपि, उनी सो अध्ययन जारी रहँदै मुलुकको दोस्रो उपराष्ट्रपति बनेका छन् । (विस्तृत भिडियोमा हेर्नुहोस्) ।
