काठमाण्डाै १७ असोज । गाउँमै ६४ लाखकाे विद्यालय भवन बनेपछि गाउँमा खुसीयाली नहाेस पनि कसरी ? भूकम्पले जिर्ण बनाएको ग्रामकल्याण निमाविको भवन बनेकाे खुसीयालीमा धुमधाम पञ्चेबाजा बजीरहेकाे थियाे । अाइतबार लमजुङ ङनपाेखराकाे नायूँमा नाचगान र रमाइलाे पनि उस्तै थियाे। विद्यालय भवन उद्घाटनका लागि पुगेका अष्ट्रेलियाली राजदूत ग्लेन ह्वाइट र गैर अावासिय नेपाली संङ (एनअारएन) अध्यक्ष शेष घलेलाइ गाउँलेले पञ्चैबाजा र फूलमालाले स्वागत गरे ।
मिट ग्रुप फाउण्डेसन अष्ट्रेलियाले विद्यालय भवन निर्माणमा रु ५० लाख सहयोग गरेको छ । ७ कोठे भवन निर्माण गर्दा रु ६४ लाख खर्च भएको विद्यालय व्यवस्थापन समितिका अध्यक्ष जितबहादुर गुरुङले बताएपछि उनले उक्त थप रकम पनि आफूले दिने प्रतिवद्धता व्यक्त गरे ।गाउँलेको तामझामपूर्ण स्वागतबाट उत्साहित भएका राजदुत ग्लान ह्वाइटले आफू नेपालमा राजदुत भएर आए देखि यस्तो स्वागत पहिलो पटक पाएको भन्दै गाउँको सुन्दरताको बखान गरे ।
उक्त भवनको नाम घलेका बुवा–आमाको नाममा “उदिम– देवीकुमारी स्मृति भवन” राखिएको छ ।
घलेले नेपालको शिक्षामा सुधारका लागि मिट फाउण्डेशन मार्फत रु एक अर्बको अक्षय कोष खडा गरेका छन् ।
१२ वैशाखको भूकम्पपछि सरकारले सद्भावना दूत बनाएका घलेले भूकम्पले गर्दा देशका आठ हजारभन्दा बढी विद्यालय भवनहरु भत्किएको बताए । “अहिले नौ लाख विद्यार्थी कक्षाकोठा बाहिर छन्,” उनले भने, “ती सबै विद्यालय बनाउनुछ ।”
हेलिकप्टर ल्याण्ड गरेको स्थान नजिकै शेष घलेको बुबा उदिमको समाधी स्थल छ । त्यहाँ पुगेर घले र उनको टोलीले श्रद्धाञ्जली अर्पण समेत गरेका थिए । २००८ सालमा स्थापना भएको यस विद्यालयमा अहिले २५० जना विद्यार्थी पढिरहेका छन् ।
तस्वीर साैजन्य : युवराज श्रेष्ठ ।
