सिड्नी । हालै मात्रै अस्ट्रेलियाका लागि नेपालको तर्फबाट राजदूत नियुक्त भई अस्ट्रेलिया आएकी राजदूत चित्रलेखा यादवलाई नेपाल तराई एसोसिएसन अस्ट्रेलियाले स्वागत तथा सम्मान गरेको छ । क्यानबेरा स्थित नेपाली राजदूताबास मै पुगेर महामहिम राजदूत यादवलाई स्वागत सहित सफल कार्यकालको शुभकामना व्यक्त गरिएको हो ।
एशोसियसनका अध्यक्ष रञ्जित शाह लगायतको टोलीले राजदूतलाई स्वागत गर्दै नेपाली समुदायको हीतमा सदैव स्मरण हुनेगरी काम गर्न आग्रह गर्दै सफल कार्यकालको शुभकामना व्यक्त गरेका हुन् । एशोसियसनका महासविच विकास झाले नेपाली समुदायको अभिभावकीय जिम्मेवारी निर्वाह गरी कुशल कार्यसम्पादन गर्न आग्रह गरे । कार्यक्रममा रादूतावासका कर्मचारीहरु पनि सहभागी भएका थिए । अध्यक्ष रञ्जित शाहले आफुहरु राजदूतावाससंग सदैव सहकार्य गरेर अगाडी बढ्न चाहेको भन्दै नेपाली समुदाय, नेपाली संस्कृती, नेपाली मौलिकता प्रवद्र्धन गर्दै नेपालीहरुका समस्या समाधानका लागि लाग्न आग्रह गरे । राजदूत यादवले अस्ट्रेलियामा नेपाली समुदायको स्वागत कार्यक्रमले आफुलाई अझै खुसी बनाएको भन्दै दुई देशको द्धिपक्षीय सम्बन्ध सुदृढ गर्ने लगायत नेपालीहरुसंगै नेपालीहरुकै लागि सदैव प्रतिबद्ध रहने बताईन् ।
