सिड्नी । रक्डेल नेपाली समाज सिड्नीको प्रथम साधारण सभा सम्पन्न भएको छ । २८ जनवरी रक्डेल पार्कमा सम्पन्न साधारण सभाले रामकिशोर कार्कीको अध्यक्षतामा ७ सदस्यीय नयाँ कार्यसमिति चयन गरेको छ ।
नवगठित समितिको उपाध्यक्षमा गंगा प्रसाद भण्डारी, सचिवमा श्याम सुन्दर पण्डित, कोषाध्यक्षमा सरिता पोखरेल तथा सदस्यहरुमा जुनमाया जि.सी., सिता पण्डित र हरिबहादुर महर्जन लगायत रहेका छन् । त्यस्तै सोही सभाबाट भोला प्रसाद पराजुलीको संयोजकत्वमा ३ सदस्यीय लेखा सुपरिवेक्षण समिति समेत गठन गरिएको छ जसको सदस्यहरुमा संगिता पाण्डे र सैख अवुलैस रहेका छन् । सभाले कृष्ण प्रसाद पौडेल, भक्त बहादुर बस्नेत, राजकुमार अधिकारी, निरञ्जन प्रसाई, चन्द्रमणी कंडेल, गोविन्द भण्डारी र सितल खाउँ गिरीलाई सल्लाहकारमा चयन गरेको छ ।
समाजका अध्यक्ष कृष्णप्रसाद पौडेलको अध्यक्षतामा सम्पन्न साधारण सभामा गैर आवासीय नेपाली संघ एनआरएनए एनएसडब्ल्यू राज्यका संयोजक बिनोद कुँवरको प्रमुख आतिथ्यता रहेको थियो । कार्यक्रममा राज अधिकारी, जनसम्पर्क समिति एनएसडब्ल्यूका संयोजक सितल खाँड गिरी, एनआरएनएका युवा संयोजक अनन्त गुरुङ, रक्डेल युवा समाजका संयोजक सनम गुरुङ, एनआरएनए एनएसडब्ल्यू राज्यका युवा सदस्य सुमन लामा, रमिनभवन नेवि संघका सभापति सरोज तिमिल्सिना लगायतको आतिथ्यता रहेको थियो । समाजका उपाध्यक्ष राम किशोर कार्कीको स्वागत मन्तव्य संगै सुरुभएको कार्यक्रमको सञ्चालन सचिव भक्त बहादुर बस्नेतले गरेका थिए ।
