लण्डन । मगर संघ यूकेले ओपन कन्सर्टको तयारी गरको छ । संघको आयोजनामा हुने नेपाली ओपन कन्सर्टमा नेपालका चर्चित कलाकारहरुले प्रस्तुति गर्ने भएका छन् । नेपाली ओपन कन्सर्ट १३ मे सनिवार फार्नबोरो स्थित फार्नबोरो फुटबल कलबमा संचालन हुने भएको हो।
उक्त नेपाली ओपन कन्सर्टको लागि मगर संघ युकेको निमन्त्रणामा नेपालबाट लोकप्रिय कलाकारहरु प्रमोद खरेल, ज्योति मगर र छेवाङ लामा बेलायत आउने भएका छन् । बेलायत आउन लागि कलाकारहरुको भिसा लागिसकेको र ओपन कन्सर्टको लागि सम्पूर्ण तयारी सम्पन्न भैसकेको ओपन कन्सर्टका प्रमुख संयोजक तथा मगर संघ युका बरिष्ठ उपाध्यक्ष लाल बहादुर (लालु) पुनले लन्डन नेपाल न्युज लाइ बताए ।
कार्यक्रम तयारी बारे जानकारी दिन एक पत्रकार सम्मेलन गरिएको छ ,अल्डर्सटस्थित द प्यालेस रेष्टुरेन्टमा सम्पन्न कार्यक्रममा ओपन कन्सर्टका संयोजक होम रोकाले मगर संघ युकेले संचालन गर्दै आएको नेपाली ओपन कन्सर्टको इतिहाँस, उद्धेश्य, जिम्मेवारी बाँडफांड, टिकट दर र राखिने स्टलहरुको बारेमा जानकारी दिएका थिए।
उनले ३ सय भन्दा बढी अतिथि र ५ हजार भन्दा बढी दर्शक भित्र्याउने लक्ष राखिएको अबगत गराएका छन। एड्भन्स टिकटका दर: प्लटुनियम टिकट £१००, भिआइपी टिकट £५०, बयस्क टिकट £२५ र जेष्ठ नागरिक तथा १२ बर्ष देखि १६ बर्ष सम्मका बालबालिकालप लागि £२० राखिएको जानकारी दिएका छन। टिकटहरु www.magaruk.org मा भिजिट गरेर पीडिएफ तथा QR Code लिन सकने ब्यबस्था गरिएको पनि जानकारी दिएका छन।
ओपन कन्सर्ट बारेमा मगर संघ युके अध्यक्ष सिता पुन, प्रमुख संयोजक तथा बरिष्ठ उपाध्यक्ष लालु पुन, संयोजक होम रोका र सांस्कृतिक सचिब सरु राना (तान्याङ) ले अबगत गराएका थिए।
मगर संघ युके अध्यक्ष सिता पुनको अध्यक्षतामा सम्पन्न कार्यक्रमको संचालन संस्थाका महासचिब गुमान सिङ पुनले गरेका थिए।
