लन्डन।
‘एभरेष्ट म्युजिकल ब्लाष्ट’को दोस्रो संस्करण ह्यारोमा –‘एभरेष्ट म्युजिकल ब्लाष्ट’को दोस्रो संस्करण भोलि मे २६ मा लण्डन ह्यारोको ह्यारो बरो फुटबल क्लवमा हुँदैछ ।
कार्यक्रममा लोकप्रिय गायिका मेलिना राई, गायक रेवत राई, गायक गोम्जा लामालगायत युके डान्स अफ विजेता जेनी सुनुवार, नृत्यांगना मिरा फगामी र शशी गुरुङको मनमोहक नृत्य र सांगीतिक प्रस्तुति रहने इन्टरटेन्मेन्ट सेलका प्रमुख किशन राईले जानकारी दिए ।
‘एभरेष्ट म्युजिकल ब्लाष्ट’को पहिलो शो २० मे शनिबार साँझ अल्डरसटको एम्पाएर हलमा भएको थियो । ह्यारोपछि २७ मे शनिबार साँझ फोल्कस्टोनको हाउकिङ्स कम्युनिटी सेन्टर, विन्चेस्टर, ननीटनलगायत बेलायतका विभिन्न स्थानहरुमा ‘एभरेष्ट म्युजिकल ब्लाष्ट’ आयोजना गरिएको राईले जानकारी दिए ।
यती पूर्व अध्यक्ष उमेशराज मोक्तानले मे २६ साउथहयारोस्थित हयारो बरो फुटबल क्लवमा सांगीतिक कार्यक्रम गर्न लागेको
जानकारी दिए ।
कार्यक्रममा म:म, सेल रोटी, अचारलगायतका नेपाली परिकारहरु राखिने आयोजकले जनाएको छ । टिकट दर भने १० पाउण्ड राकिएको छ । नेपाली सांगीतिक बजारमा मेलिना राई सर्वाधिक मनपराइएकी गायिका हुन् । उनका ‘शिरैमा शिरबन्दी…’ ‘कम्मरमाथि पटुकी…’ ‘तिम्ले बाटो फेरेऊ अरे…’लगायतका गीत चर्चित छन् । कार्यक्रममा मिस यूके नेपाल २०१४ निया देवान र लेक्स लिम्बूले उदघोषण गर्नेछन् ।
