शिब भण्डारी,
लण्डन |
बेलायतमा गुणस्तरीय खाना तथा ग्राहकको सेवा मार्फत ख्याति कमाउन सफल माउण्टेन भिउ रेस्टुरेन्टले करी ओस्कारको रुपमा चिनिने करी लाईफ बिजिनेस अचिभमेन्ट अवार्ड हात परेको छ । हिजो लण्डनको पार्क प्लाजा होटलमा आयोजित बिशेष समारोहका बीच रेस्टुरेन्टका प्रोप्राइटर दाशु पाण्डेलाई उक्त अवार्ड प्रदान गरिएको थियो ।
गैर आवासीय नेपाली संघ बेलायतका सचिव समेत रहेका पाण्डे बेलायतका नेपाली समुदायबीच पनि निकै सामाजिक र सक्रिय रहने गरेका छन्। रेस्टुरेन्टसँगै आवद्द रोमनाथ पाण्डेले ब्यवसायको लागि यो अत्यन्तै खुसीको क्षण भएको बताए। लन्डनमा माउण्टेन भिउ रेस्टुरेण्टका दुई वटा शाखा संचालनमा छन्।
बेलायतमा रहेका करीब आठ हजार इण्डियन रेस्टुरेण्टहरु मध्ये नेपाली र इण्डियन परिकारहरु पस्किने दुई सय भन्दा बढी रेस्टुरेण्ट नेपाली व्यवसायीद्वारा संचालित छन। नेपाली स्वादप्रति बेलायतीको क्रेज बढदै गरएकाले रेस्टुरेण्ट व्यवसायको रुपमा धेरै नेपाली सफल र स्थापित बन्दै गईरहेका छन्। यहाँका नेपाली रेस्टुरेण्ट बिदेशमा स्वदेशी खानाका परिकार मार्फत् देशको पहिचान झल्काउने माध्यम समेत बन्ने गरेका छन ।
हजारौ प्रतिस्प्रधी हरु मध्ये बाट छानिएका रेस्टुरेन्टहरु मध्ये यो अवार्ड हात पार्ने माउण्टेन भिउ एक मात्र नेपाली रेस्टुरेन्ट थियो ।
रेस्टुरेन्ट संग सम्बद्द आफन्तजन सहित केही नेपाली पत्रकार हरु समेत सहभागी उक्त समारोहमा बेलायतका थुप्रै मन्त्रि, सांसद तथा उच्च सरकारी ओहोदाका विशिष्ट व्यक्तित्वहरुले समेत मन्तब्य दिएका थिए । नेपालको गुल्मी जिल्ला घर हुने पुरस्कृत पाण्डे बर्षौ देखी लन्डनमा रेस्टुरेण्ट व्यवसायमा संलग्न छन ।
