सिड्नी । अष्ट्रेलियाको सिड्नीमा भएको मोटरसाईकल दुर्घटनामा परी ज्यान गुमाएका एक नेपाली विद्यार्थीको शव घर पठाउनका लागि आर्थिक सहयोग सकंलन अभियान थालिएको छ ।
सिड्नीको लेपिङ्गटनमा मोटरसाईकल दुर्घटनामा ज्यान गुमाएका २४ वर्षीय असिम थपलियाको शव नेपाल पठाउन सहयोग सकंलन थालिएको हो । जनवरी २६ तारिखका दिन सडकको डिभाईडरमा ठोक्किएर उनको मृत्यु भएको थियो ।
सन् २०१६ मा आईटी पढ्नका लागि आएका असिमको स्थायी घर काठमाण्डौको चावहिल हो । नेपालमा नै उनको अन्तिम संस्कार गर्न उनका परिवारले ईच्छा राखेपछि शव नेपाल पठाउन लागिएको हो ।
शव नेपाल पठाउनका लागि ‘गो फण्ड’ मी मार्फत सहयोग सकंलन भईरहेको र सहयोग गर्न सम्पूणलाई आग्रह गरिएको छ ।
