काठमाडौं । सरकारले चिनियाँ खोप सिनोफार्मलाई पनि आपतकालीन प्रयोगको लागि अनुमति दिएको छ ।
औषधि व्यवस्था विभागले जनवरी १६ मा एक बैठक बस्दै उक्त निर्णय गरेको हो ।
चिनियाँ कम्पनी बेइजिङ इन्स्टिच्युट अफ बायोलोजिकल प्रोडक्टले उत्पादन गरेको सिनोफार्म खोपलाई अनुमति दिएको हो ।
भारतमा उत्पादन भएको कोभिसिल्डलाई अनुमति दिई प्रयोगमा समेत थालिएको नेपालमा अब चिनियाँ खोप प्रयोगको पनि बाटो खुलेको छ ।
चीनले नेपाललाई ५ लाख डोज खोपमा अनुदानमा दिने घोषणा गरिसकेको छ ।
जनवरी १३ मा सिनोफार्मले सरकारसँग आपतकालिन प्रयोगका लागि निवेदन दिएको थियो । जनवरी १५ सरकारले भारतको कोभिसिल्ड खोपलाई आपतकालिन प्रयोगको अनुमति दिएको थियो ।
सिनोफार्मले ७९.३४ प्रतिशत खोप प्रभावकारी हुने जनाएको छ । हाल नेपालमा भारतले अनुदानमा दिएको १० लाख डोज कोभिसिल्ड खोप प्रयोग भइरहेको छ ।
