अनु लामा
सिड्नी । गम्भीर स्वास्थ्य समस्या भएर काठमाडौंको ग्रीन सिटी अस्पतालमा उपचार गराइरहेका कलाकार, लेखक, पत्रकार एवम् गायक देव लामालाई तामाङ सोसाइटी अस्ट्रेलियाले सहयोग उपलब्ध गराएको छ । तामाङ सोसाइटी सिड्नी र तामाङ सोसाइटी मेलवर्नले सहयोग सन्कलन अभियान सञ्चालन गरेको थियो । उक्त अभियानबाट संकलन भएको २ लाख ५७ हजार ३०४ रुपैयाँ नेपाल प्रतिनिधिमार्फत लामाको परिवारलाई हस्तान्तरन गरिएको छ।
देव लामा बिगत लामो समयदेखि अस्वस्थ्य भएर ओछ्यान परिरहेका छन् । उनी न त चल्न सक्छन, न त बोल्न नै । उनी खाना खानसमेत सक्दैनन । उनको घाँटीमा प्वाल देखिएको छ, जहाँबाट खाएको खानेकुरा बाहिर आउँछ। उनको उपचार ग्रीन सिटी हस्पिटल काठमाडौंमा भइरहेको छ । परिवारको कमजोर आर्थिक अवस्थाले उपचारमा ढिला भइराखेको समाचार सार्वजनिक भएसँगैअष्ट्रेलियामा रहेको तामाङ सोसाइटीले फण्ड रैजिङ्ग सुरु गरेको थियो ।
कोबिड १९ ले गर्दा अस्ट्रेलियामा बसोबास गर्ने बिद्यार्थीहरुको अवस्था कमजोर रहेता पनि यस फन्ड रैजिंग अभियानमा आफुले सक्ने सहयोग गर्न बिद्यार्थीहरु पछि नहटेको संस्थाका अध्यक्ष सुनदोर्जे तामाङले बताए । यो अभियान बिशेष गरेर तामाङ सोसाइटी सिड्नी र तामाङ सोसाइटी मेलबोर्नको नेतृत्वमा संचलान गरिएको थियो। अभियानबाट नेपाली रुपैया २ लाख ५७ हजार ३ सय ४ रुपैयाँ उठेको थियो ।
सिङो बिश्व कोभिड १९ को महामारीसग जुधिरहेको यो संकटको घडीमा पनि अस्ट्रेलियामा रहेको तामाङ सोसाईटीले बिगत लामो समयदेखि उपचार गराइरहेका कलाकार देव लामाको थप उपचारको लागि सहयोग संकलन गरेर अत्यान्तै सरहानिय काम गरेको छ । यस फन्ड राइजिङ अभियानमा कोभिड १९ को समस्यामा रहे पनि विद्यार्थीको सहभागिता निकै उत्साहपूर्ण रहेको थियो।
