नेपाली सांगीतिक क्षेत्र पनि बढो अचम्मको छ । कतिपय दशकौ देखि संगीतमा संघर्ष गर्दा र दर्जनौ एल्बम निकाल्दा पनि स्थापित हुन सकिरहेका छैनन् कतिपय छोटो समयमा र केहि सिमित गीत सार्बजनिक गर्दैमा स्थापित भएका छन् । यस्तै मध्येका एक हुन् लोकदोहोरी गायक प्रकाश कटुवाल जो छोटो समयमा नै संगीतमा स्थापित भएका छन् ।
यसै वर्षको तिज गीत ‘कनाइदेउन बाइ…’बोलको गित पछी अत्याधिक चर्चामा आएका लोकदोहोरी गायक प्रकाश कटुवालले लोकदोहोरी क्षेत्रमा निरन्तर रुपमा हिट गित दिए । एकै वर्ष सार्बजनिक भएका गितमा सबै गित हिट भएपछी सोच्न बाध्य बनायो प्रकाशको भाग्य बलियो कि संयोग ? तर उनि आफ्नो मेहनतका कारण सबै गीत हिट भएको दाबि गर्छन् ।
तिज गीत छोटो समयमा भाइरल बनेपछि प्रकाशले लोकदोहोरीमा हाइट ह्वात्तै बढाए । हाइट निरन्तर रुपमा कायम राख्नका लागि उनले मेहनतका साथ स्तरीय र दर्शक श्रोताका माग बमोजिमका गीत गाए । जसका कारण अहिले उनि पुराना र स्थापित लोकदोहोरी गायक सरह आफुलाई स्थापित गर्न सफल बनेका छन् ।
रामेछापको बिकट गाबिस कुम्बुकास्थली देखि लोकदोहोरीमा भविस्य खोज्दै काठमाण्डौ आइपुगेका गायक कटुवालले सांगीतिक क्षेत्रमा मारेको फड्को कारण आफै दंग छन् । २०५९ साल देखि संगीत सृजनामा आएका प्रकाशले अहिले सम्म करिब १५० भन्दा बढी गीतमा आवाज भरिसकेका छन् । जसमा केहि सुगम संगीतका गीत पनि छन् । यद्दपी उनि आफुलाई लोकदोहोरी गायककै रुपमा स्थापित गर्न चाहेको बताउछन् ।
