लन्डन । नेपाली कांग्रेसको शुभेच्छुक पत्रकार संगठन नेपाल प्रेस युनियनका अध्यक्ष बद्रि सिग्देल नेतृत्वको टोली बेलायत प्रस्थान गरेको छ । नेपाल प्रेस युनियन बेलायतको प्रथम अधिवेशनका लागि अध्यक्ष सिग्देल, उपाध्यक्ष बाला अधिकारी र महासचिव अजयबाबु सिवाकोटी जेट एयरवेजबाट बेलायत प्रस्थान गरेका हुन् । उनीहरुसँगै कांग्रेसकी युवा नेतृ एवं प्रदेश नम्बर ३ का सांसद बिजुला शर्मा पनि बेलायत गएकी छन् ।
युनियन यूकेको पहिलो अधिवेशन मार्च ३१ तारिख लण्डनको प्लमस्टिडस्थित गेसो हलमा हुने तदर्थ समितिका संयोजक विपिन निरौलाले जानकारी दिए । युनियनको पहिलो विदेश शाखाकारुपमा सन् २०१६ मा बेलायत शाखा स्थापन भएको थियो । तीन वर्षदेखि यूके शाखा तदर्थमात्रै रहेको भन्दै केन्द्रीय महासचिव अजयबाबु सिवाकोटीले अधिवेशन गराउन सर्कुलर गरेका थिए । अधिवेशनले नयाँ नेतृत्व चयन गर्नेछ ।
