काठमाडौंको काँडाघारीबाट हिजो साँझ अपहरणमा परेका ११ बर्षिय बालक निशान खड्का मृत भेटिएका छन् । उनको अपहरण गर्ने दुइ जनाको आज अपरान्ह प्रहरी कार्वाहीमा मृत्यु भएको छ ।
अपहरणकारीबाट एउटा पेस्तोल र धम्क्याउन प्रयोग गरेको एउटा सिमकार्ड पनि बरामद गरिएको प्रहरीले जनाएको छ । सिन्धुपाल्चोकको मेलम्ची स्थायी घर भएका खड्का आमा र हजुरबुवासँग बस्थे। उनका बुबा रोजगारीको सिलसिलामा मलेसियामा छन्।
आइतबार राती काठमाडौंबाटै बालक अपहरणमा परेको खबरले प्रहरीलाई पनि तरंगित बनायो । खबर पाए लगतै बालकको उद्धार र अपहरणकारीको खोजीका लागि अपराध महाशाखा र काठमाडौं प्रहरी परिसरको टोली खटियो । तर प्रहरीले अपहरणमा परेका ११ वषिर्य निशान खडकालाई अपहरणकारीको हातबाट वचाउन त सकेन, अपहरणकारी पनि प्रहरीको कार्वाहीबाट जोगिएनन् ।
