काठमाडौं। विश्वकप फुटबलको २१ औं संस्करण रुसमा सकिएको छ ।
रुसले पहिलो पटक आयोजना गरेको विश्वकपको समापन समारोहमा विश्वका शिर्ष नेताहरुदेखि फुटबल हस्तीहरुको उपस्थिति थियो ।
विश्वकपको फाईनल खेलमा पराजित भएपनि क्रोएसियाले खेलाडी लुका मोड्रिच विश्वकपका उत्कृष्ट खेलाडी बने ।
स्पेसिन क्लव रियाल मड्रिडबाट खेल्दै आएका मिडफिल्डर मोड्रिचले विश्वकपका उत्कृष्ट खेलाडीको रुपमा गोल्डेन बल जितेका हुन् ।
विश्वकपका सात खेलमा मोड्रिचले २ गोल गरेका थिए । तर क्रोएसियाको हरेक जितमा मोड्रिचको प्रदर्शन प्रेरणादायी थियो ।
