सामसुङका दुई स्मार्टफोन ग्यालेक्सी एस एट र एस एट प्लस लञ्च भएको छ। एस एटमा ५. ८ इन्चको तथा एस एट प्लसमा ६. २ इन्चके ‘इनिफिनिटी डिस्प्ले’ रहेको छ। दुवै स्मार्टफोनमा गोरिल्ला ग्लासको प्रयोग गरिएको छ।
२९६० क्रस १४४० पिक्सल रिज्योल्युसन रहेको दुवै फोनमा ४ जिबी र्याम रहेको छ। २५६ जिबीसम्मको माइक्रो एसडी कार्ड प्रयोग गरी क्षमता बढाउन सकिन्छ। एन्ड्रोइड ७ नौगट अपरेटिङ सिस्टमको दुवै स्मार्टफोनमा १२ मेगापिक्सलको रियर क्यामेरा छ। त्यस्तै फ्रन्ट क्यामेरा ८ मेगापिक्सलमा रहेको छ।
पानी र धूलो छिर्न नसक्नेगरी तयार गरिएको यी स्मार्टफोनको ब्याट्री ३५ सय एमएएच तथा ३ हजार एमएएच पावरका छन्। ब्ल्याक, सिल्भर, ग्रे र कोरल ब्ल्यु र गोल्डेन कलरमा फोनहरु आएका छन्।
यी फोन नेपालमा आउन भने अझै केही दिन लाग्नेछ। कम्पनीले ग्यालेक्सी एस एटको खुद्रा मूल्य ७२० डलर तथा एस एट प्लसको ८४० डलर तोकेको छ।
