लन्डन– बेलायतस्थित नेपाली दूतावासले आगामी १० अक्टोबर (असोज २४ गते) शुभकामना आदान प्रदान कार्यक्रम गर्ने भएको छ ।
विजया दशमी, दीपावली, छठ, माघी पर्वलगायतका अवसरमा शुभकामना आदान प्रदान कार्यक्रम आयोजना गरिएको दूतावासले जनाएको छ ।
बेलायतका लागि नवनियुक्त राजदूत डा.दुर्गाबहादुर सुवेदी राजदूत भएर आएसँगै पहिलोपटक शुभकामना आदान प्रदान कार्यक्रम गर्न लागिएको हो । साँझ ६ बजेदेखि ८ बजेसम्म हुने कार्यक्रममा औपचारिक पोसाकमा उपस्थित हुन अनुरोध गरिएको छ ।
यसैबीच नेपाली दूतावासले पूर्वकार्यवाहक राजदूत शरदराज आरनलाई प्रवक्ता तोकेको छ ।
