काठमाडौं– १३ ओटा मन्त्रालय पाएको नेपाली कांग्रेसमा आन्तरिक भागबण्डा नमिल्दा विवाद उत्पन्न भएको छ ।
नेता रामचन्द्र पौडेल पक्षधरले सरकारमा सहभागिताबारे चित्न बुझ्ने अवस्था नआए सरकारमा सहभागि नहुने निर्णय गरेको छ ।
पौडेल निवास बोहराटारमा बुधबार अपरान्ह निकटस्थ नेता तथा सांसदहरुको बैठकले सरकारमा आफ्नो पक्षबाट सम्मानजनक सहभागिता हुनुपर्ने माग गरेको नेता प्रकाशमान सिंहले जानकारी दिए ।
बैठकमा देउवाले मन्त्री चयनमा एकलौटी गर्न खोजेको भन्दै आलोचना समेत भएको थियो ।
बिहान पनि नेता प्रकाशमान सिंह लगायतका नेताहरुसँग पौडेलले छलफल गरेका थिए ।
छलफलमा विगतदेखिनै भागबण्डाको परिपाटी रहेको र अहिले भने देउवाले मनपरी गरेको आरोप लगाइएको बताइएको छ ।
पौडेल समुहले १३ मन्त्रालयमध्ये कम्तीमा ५ मन्त्रालय माग गरेको छ । तर देउवाले भने बढीमा ४ मन्त्रालय मात्रै दिन सक्ने बताएका छन् ।
देउवाले मागेको जति मन्त्रालय नदिने भएपछि पौडेल समुह रुष्ट बनेको बताइएको छ भने सोहि कारण पौडेल समुहले मन्त्रीको नाम पठाएको छैन ।
तर देउवाले भने पौडेलको अनसन्तुष्टिका बीच आफू निकटका चार नेताको नाम मन्त्रीमा सिफरिस गरेका छन् । नेताहरुका अनुसार देउवाले अर्जुननरसिंह केसी, प्रकाशशरण महत, वालकृष्ण खाण र जीवन शाहीको नाम मन्त्रीमा सिफारिस गरेको बताइएको छ । यस्तै बाँकी मन्त्रीको नाम टुंगो लगाउन छलफल चलिरहेको बताइएको छ ।
कांग्रेसमा आन्तरिक भागबण्डा मिल्दा नसक्दा मन्त्रिमण्डल विस्तारमा ढिलाइ भएको छ ।
