काठमाडौं–टुक्रा–टुक्रा विभाजित माओवादी पार्टीहरूबीच बिहीबार पार्टी एकीकरण हुँदैछ । एकीकृत माओवादीबाटै विभिन्न कालखण्डमा टुक्रा–टुक्रा फुटेर गएका ती पार्टी आज चार वर्षपछि पुनः एकीकृत (माओवादी) सँगै एकीकरण हुन पुगेको हो ।
बबरमहलस्थित कार्की पार्टी प्यालेसमा बिहान ११ बजे एकता प्रक्रियाका पार्टीका केन्द्रीय नेताको संयुक्त अधिवेशन गरेर अपराह्न ३ बजे एकता घोषणा गर्ने कार्यक्रम तय भएको छ ।
बुधबार साँझ बसेको शीर्ष नेताहरुसहितको बैठकले माओवादी एकता संयोजन समितिमा ४९९ सदस्यीय महाधिवेशन आयोजक समिति बनाउने निर्णय गरेको छ ।
यसअघि नै एकीकृत नेकपा (माओवादी) लगायतका एकता प्रक्रियामा रहेका दलहरुले १३ बुँदे साझा समिति बनाई एकता प्रक्रिया सुरु गरेका थिए ।
