धनगढी- नेपाली कांग्रेसका नेता डा. शेखर कोइरालाले अहिलेको सरकार आफ्नै बोझका कारण ढल्ने दाबी गर्नुभएको छ ।
नेपाल प्रेस युनियनले गरेको पत्रकार सम्मेलनमा उहाँले ओली नेतृत्वको सरकारले आफ्नो भारी बोक्न नसकिरहेकाले सरकार गिराउन काँग्रेस नचाहिने बताउनुभयो ।
कांग्रेस सरकार गिराउने खेलमा नलागेको डा कोइरालाको भनाइ थियो । उहाँले पार्टीभित्र ६०/४० को भागबण्डाको राजनीतिलाई तोड्ने आफू अभियानमा रहेको स्पष्ट पार्नुभयो ।
पत्रकारको जिज्ञासामा डा कोइरालाले महाअधिवेशनको मुखमा आएर पार्टीको क्रियाशील सदस्यता फाराम वितरण गर्ने केन्द्रको कामले समस्या आएको बताउनुभयो ।
