Wednesday, February 4, 2026

अपांगको सहयोगार्थ लन्डनमा गुल्मेलीको च्यारिटी (भिडियो सहित फोटो फिचर)

Posted on by London Nepal News
       
 
 

gulmi uk3

फडिन्द्र भट्टराई

लन्डन,  विश्व अपांग दिवसको अवसर पारेर नेपालका दुर्गम गांउका अपांग र असहाय हरुको सहयोगार्थ लन्डनमा एउटा च्यारिटी कार्यक्रमको आयोजना गरिएको छ ।

गुल्मी जिल्ला समाज युकेको आयोजनामा सम्पन्न उक्त कार्यक्रममा संकलित करीब ५ लाख बचत रकम नेपालमा अपांगहरुको सहयोगार्थ छिट्टै पठाइने कुरा आयोजकहरुले बताएका छन ।

गुल्मी जिल्ला समाज युकेले विश्व अपांग दिवसको उपलक्षमा प्रत्येक वर्ष यस्तो कार्यक्रम को आयोजना गरेर आशा अपांग केन्द्र लगायतका नेपालका अपांग सेवामुखी संस्थाहरु मार्फत सहयोग पुर्याउदै आएको छ । कार्यक्रममा बोल्दै बेलायतका लागी कार्यबाहक नेपाली राजदुत तेज बहादुर क्षेत्री, एन आर एन युकेका अध्यक्ष मुच्छेत्र गुरुङ लगायतका अतिथिहरुले समाजले हरेक वर्ष गर्दै आईरहेको पुनित कार्यको मुक्त कण्ठले प्रशंसा गरेका थिए । समाजका अध्यक्ष अर्जुन गौतमको सभापतित्वमा सम्पन्न छोटो औपचारिक कार्यक्रममा संस्थापक अध्यक्ष ओम थापा, सल्लाहकार दुर्गा पाण्डे लगायतले समाजका गतिविधि माथि प्रकाश पारेका थिए ।

महासचिव राम गलामी र सचिव शिव भण्डारीले सञ्चालन गरेको उक्त कार्यक्रममा समाजका उपाध्यक्ष केशव भण्डारीले स्वागत मन्तव्य दिएका थिए । कार्यक्रमका संयोजक बालजंग अर्यालले सधन्यवाद सहयोगी हरुको विवरण प्रस्तुत गरेका थिए । समापनमा अध्यक्ष अर्जुन गौतमले नेपालका अपांगका लागी सहयोग गर्नु पर्ने दायित्वबोध हुने सबैमा आभार व्यक्त गरेका थिए ।

कार्यक्रमको आकर्षणको रुपमा रहेको प्रत्यक्ष नौमती बाजाको प्रस्तुति संगै दोश्रो चरणको सांस्कृतिक कार्यक्रममा सहभागी हरु मग्न रमाएका थिए । मन्जु भण्डारी खरेलले सञ्चालन गरेको सांस्कृतिक कार्यक्रममा जेनी भट्टराई, प्रमिला केसी, श्रेया खरेल लगायतले नृत्य प्रस्तुत गरेका थिए ।

कार्यक्रममा गोकुल भण्डारी लगायतका कविहरु द्वारा अपाङ्गता सम्बन्धि कविताहरु समेत वाचन गरिएको थियो । कार्यक्रममा ७५ वर्षीय रिटायर्ड क्याप्टेन बिर बहादुर थापाको गायनले धेरैको मन छोएको थियो । सहयोग रकम मुख्यतया नेपालको गुल्मी जिल्लामा संचालनमा रहेको आशा अपांग केन्द्रलाई उपलब्ध गराउने गरिएको छ ।

उक्त अपांग सेवा केन्द्रले दुर्गम गाउका अशक्त अवस्थामा रहेका अपांगहरु लाई, उपचार, शिक्षा , तालिम र रोजगार समेत उपलब्ध गराउदै उनीहरुको पुनर्स्थापनामा अघौदै आएको छ । बाल्यावस्थामा आफ्नो दुवै खुट्टा गुमाएकी गङ्गा रायमाझीले उक्त केन्द्रको सफल संचालन गर्दै आएकी छन ।

युकेवासी गुल्मेलिहरुकै सहयोगमा केन्द्रले अपांगहरुको लागी एम्बुलेन्स सेवा समेत संचालनमा ल्याएको छ । बेलायतका गुल्मेलीहरुको यो संजालले आफ्नो संस्था मार्फत गृह जिल्ला मात्र नभएर देशैभरी परोपकारी सहयोग उपलब्ध गराउदै आएको छ । सन् २००७ मा स्थापना भएको यो संस्थाले नेपालका ग्रामिण शिक्षा र स्वास्थ्यको क्षेत्रमा झन्डै दुई करोड भन्दा बढीको सहयोग गरि सकेको छ ।

भिडियो हेर्नुहोस:

https://youtu.be/AIoA2ikm6zA

फोटो फिचर :

gulmi uk1

gulmi uk8

 

gulmi uk7

 

gulmi uk6

 

gulmi uk9

 

gulmi uk2

 

gulmi uk11

 

gulmi uk12

 

gulmi uk13

 

gulmi uk10

Gulmi jilla samaj uk 2015 charity 307

gulmi uk5

 

gulmi uk4

gulmi uk16

 

gulmi uk17

 

gulmi uk14

 

gulmi uk15

 gulmi uk20

 

gulmi uk19

12345492_10205725831924629_3055773846088394909_n[1]Gulmi jilla samaj uk 2015 charity 297

12313670_10205725838084783_8354782763969715961_n[1]11169414_10205725837124759_4121793039022323354_n[1]

 

 

 

 

 

 

 

 

 

Related Posts

जर्मनीमा ५०० दरको युरो नोट प्रतिबन्ध गर्ने निर्णय

       
 
 

         जर्मनी – युरोपेली केन्द्रीय बैंक (इसीबी) ले ५०० दरको युरो नोट विस्थापन गर्ने तयारी अन्तिम चरणमा पुगेको जनाएको छ । दैनिक जीवनमा कमै प्रयोग हुन […]

सिड्नीमा खसीको मासु किन्न नेपालीको लाइन, काठमाडौँ न्यूरोडको झल्को !

       
 
 

         तक्दीर अधिकारी सिड्नी । अष्ट्रेलियाको सिड्नी तथा आसपासमा यस बर्ष खसीको मासुको माग अत्याधिक देखिएको छ । कोरोनाभाइरस महामारीको कारण धेरै नेपालीहरु स्वदेश फिर्ता हुन […]

एन्फाले राखेपलाई पठायो स्पष्टिकरण, गणेश थापाको कारबाही व्यक्तिगत

       
 
 

         काठमाडौं- एन्फाले अध्यक्ष गणेश थापालाई फिफाद्वारा गरिएको कारबाहीलाई नितान्त व्यक्तिगत भनेको छ । राखेपलाई प्रष्टीकरण दिँदै एन्फाले थापामाथि गरिएको कारबाहीलाई नितान्त व्यक्तिगत भनेको हो । […]