लण्डन । भारतले नेपालमा दुई महिना अघिदेखि नाकाबन्दी गरेको विषयमा संसारभर विरोध भइरहेका बेला लण्डनका एक सांसद म्याथु पेनिकुकले बेलायतका तर्फबाट कुटनीतिक पहल गर्ने प्रतिबद्धता जनाएका छन् ।
सांसद पेनिकुक लाई नेपाली विद्यार्थी अभियन्ता गणेश खड्का र नेविसंघ बेलायतका कार्यवाहक अध्यक्ष गणेश दाहालले शनिबार बिहान भेटेका थिए ।
नाकाबन्दीका कारण नेपालमा मानवीय संकट उत्पन्न हुन लागेको अवस्थाबारे जानकारी गराउंदै यसको तत्काल निकास खोज्न बेलायतको कुटनीतिक पहलका लागि पहल गरिदिन उनलाई आग्रह गरेको दाहालले बताए ।
सांसद म्याथु पेनिकुकले भने – नाकाबन्दीका विषयमा नियमित ध्यानाकर्षण भएको बताउँदैं जारी अवस्था परिणाममुखी वार्ताबाट समाधाना गर्न उत्प्रेरित गरिरहेको बताएका छन् । नेपालमा गहिरिदैं गएको मानवीय संकटका विषयमा नेपाल सरकारसँग नजिक रहेर काम गरिरहेको पनि बताएका छन् ।
म्याथु पेनिकुक ग्रिनविच क्षेत्रका लेबर पार्टीका सांसद हुन् ।
त्यसैगरि विद्यार्थी अभियन्ता गणेश खड्काले अनलाईन पेटिसिन सञ्चालन गरेर आवश्यक दबाब बढाउन सकिने र् नेपाली समुदायका अरु संघसंस्था तथा अगुवाहरुसंग पनि छलफल गरेर कसरी प्रभावकारी रुपमा पेटिसिन अघि बढाउने तयारी गरिरहेको बताए ।
