भण्डारीले दिए विपन्न बिद्यार्थीलाई शैक्षिक सामग्री

गुल्मी, १३ असोज  – आफ्नो तलब असाहय बिद्यार्थीहरूको पठन पाठनमा खर्च गरिरहेका गुल्मी क्षेत्र नम्बर २ का सांसद चन्द्र भण्डारीले यहाँका असाहय बिद्यार्थी तथा केही बिद्यालयहरूलाई शैक्षिक सामग्री तथा नगद प्रदान गरेका छन् । मंगलबार सदरमुकाम तम्घासमा एक कार्यक्रमको अवसरमा उनले बिद्यार्थी तथा बिद्यालयहरूलाई शैक्षिक सामग्री प्रदान गरेका हुन् । उनले विपन्न बिद्यार्थीहरूले पढ्ने बिद्यालयहरू र स्वयम बिद्यार्थीहरूलाई सहयोग स्वरूप नगद र कापी प्रदान गरेका छन् । उनले माझी प्राथमिक बिद्यालय बलिथुम र गौमती प्रावि वामीलाई नगद २०÷२० हजारका दरले सहयोग गरे । विपि स्मृति प्रावि खज्र्याङका लागि १० हजार प्रदान गरे । यी बिद्यालयहरुलाई ४ लाख बराबरका कापी समेत प्रदान गरेका छन् ।