सिड्नी । साउथ वेल्स नेपलिज कम्युनिटीले नयाँ वर्ष २०२४ को अवसरमा शुभकामना प्रदान कार्यक्रम आयोजना गर्दैछ । यही जनवरी १३ शनीवार तारिख ओरन पार्कमा कम्युनिटीले मल्टिकल्चरल म्यूजिकल ईभेन्ट्स कार्यक्रमको आयोजना गरेको छ । कार्यक्रममा नयाँ वर्षको शुभकामना आदान प्रदान सहित, औपचारिक कार्यक्रम केही बेर रहने र त्यसपश्चात सांगीतिक कार्यक्रम रहने बताईएको छ ।
नेपलिज मल्टिकल्चरको अभियानलाई सहयोग पुग्ने गरी सदस्यता बढावामा टेवा पुर्याउने र शुभकामना आदान प्रदान गर्ने लक्ष्य सहित कार्यक्रम आयोजना गरिएको अध्यक्ष सुदिप ढकालले जानकारी दिए । कार्यक्रममा कलाकारहरु सञ्जिब पराजुली, स्वस्तिका ढकाल र डिजे सुशिलको विशेष सांगीतिक प्रस्तुती सहित अन्य मनोरञ्जनात्मक कार्यक्रमहरु रहने अध्यक्ष ढकालले बताए । त्यस्तै स्थानीय मेयर, काउन्सिलर, एमपी लगायतका प्रतिनिधिहरुको सहभागीता रहने उनको भनाई छ । कार्यक्रममा सहभागीताका लागि समेत ढकालले सबैसंग अनुरोध गरेका छन् ।
