लन्डन । हिमालयन सिद्ध महायोगको भातृसंस्था आन्जेनेय यूवा समुहकी अन्तराष्ट्रिय अध्यक्ष, अनुभवी योग प्रशिक्षक, नेपालकी पहिलो महिला रामचरितमानस र भक्तमाल कथा वाचिका सुश्री चन्द्रकला सखी लन्डन आइपुगेकी छन् ।
उनको स्वागतका लागि हिमालयन सिद्ध महायोग युकेका अध्यक्ष गोबिन्द घिमिरे लगायतको टोलि बिमान स्थलमा पुगेका थिए ।
रामनवमी तथा हनुमान जयन्तीको अवसर पारेर महायोगी सिद्धबाबा आध्यात्मिक प्रतिष्ठान युकेले यही मार्च ३० तारिख बिहिवार देखि अप्रिल ६ तारिख बिहिवार सम्म श्रीराम (रामायण) कथा प्रवचन सहित ’श्रीरामनवमी तथा हनुमान जयन्ति’ विशेष कार्यक्रमको आयोजना गरेको हो ।
सोरठिया प्रजापति कम्युनिटी साउथहल साखाको सहयोग र संलग्नतामा आयोजना गरिएको कार्यक्रममा नेपालकी प्रशिद्ध प्रथम महिला रामकथा बाचिका परमपूज्य चन्द्रकला सखीज्यूको सुमधुर सांगीतिक लयमा राम कथाको प्रवचन हुनेछ ।
बिमान स्थलमा लन्डन नेपाल न्युज सँग भएको लाइभ कुराकानीको एक रिपोर्ट हेर्नुस:
