काठमाडौं- प्रधानमन्त्री केपी शर्माले ओलीले आज एकीकृत पार्टीको संसदीय दलको बैठकमा सम्बोधन गरेका छन् । उनी आज नै दलको नेता समेत चयन भएका थिए ।
आजको बैठकमा प्रधानमन्त्री ओलीले भारतसँग बराबरीको सम्बन्ध रहने बताएका छन् ।
उनले यहीक्रममा विराटनगरमा रहेको भारतीय दूतावास मातहतको फिल्ड अफिस हटने दावी गरेका छन् ।
प्रधानमन्त्री ओलीले भारत सन १०५० को सन्धि पुरनावलोकन गर्न तयार रहेको दावी पनि गरेका छन् ।
२०६५ भदौमा आएको बाढीले कोशी ब्यारेज भत्काएको थियो । त्यसपछि नेपालका सवारी साधानले भारतीय भूमि प्रयोग गर्नुपर्ने अबस्था आएको थियो । त्यसका लागि पास दिन भारतीय दूताबासले फिल्ड अफिस स्थापना गरेको थियो ।
विराटनगरको भारतीय दूतावास कार्यालयमा बम विष्फोट
त्यसबेला स्थापना भएको फिल्ड अफिस बन्द गराउन पटक पकट प्रयास भएपनि भारतले हटाएको छैन् ।
नारायणकाजी श्रेष्ठ परराष्ट्रमन्त्री भएको बेला उनले फिल्ड अफिस बन्द गर्न पत्र काटेका थिए ।
केही दिन अगाडि सो कार्यलय अगाडि अज्ञात समूहले बम विस्फोट गराएको थियो ।
घटनामा विप्लवको पार्टीको हात रहेको आंशका गरिएको थियो ।
प्रधानमन्त्री ओलीले काँग्रेसलाई कटाक्ष गर्दै आफुहरुलाई धमण्ड गरेर हिड्ने फुर्सद नभएको बताए ।
उनले नेकपा लोकतान्त्रिक पार्टी भएकाले विपक्षीलाई दमन नगर्ने पनि बताए ।
उनले आबश्यकता परे देश र जनताको हितमा संविधान संशोधन गर्ने पनि बताएका छन् ।
संविधान संसोधनको मुद्दाले संघीय समाजवादी फोरमको सरकारमा सहभागी हुने यात्रा विचमै रोकिएको छ ।
