लन्डन । नेपालमा केहि दिन अघि मात्र सरकारले तोकेको प्रदेश प्रमुखहरुलाई पद तथा गोपनीयताको शपथ खुवाइएको छ । राष्ट्रपति विद्यादेवी भण्डारीले राष्ट्रपति भवन शीतल निवासमा विशेष समारोहमा सातै प्रदेशका प्रमुखलाई शपथ गराएकी हुन् ।
सरकारले प्रदेश नं १ का प्रा डा गोविन्दबहादुर तुम्बाहाङ, प्रदेश नं २ का रत्नेश्वरलाल कायस्थ, प्रदेश नं ३ का अनुराधा कोइराला, प्रदेश नं ४ का बाबुराम कुँवर, प्रदेश नं का ५ उमाकान्त झा, प्रदेश नं ६ का दुर्गाकेशर खनाल र प्रदेश नं ७ का मोहनराज मल्ललाई प्रमुख तोकेको थियो ।
