सिड्नी । अस्ट्रेलियामा क्रियाशिल नेपाली पत्रकारहरुको साझा संस्था अस्ट्रेलियन नेप्लिज जर्नालिष्ट एशोसियसन (एञ्जा) अस्ट्रेलियाको अध्यक्षमा कृष्ण तिवारी निर्वाचित भएका छन् । फेबु्रअरी २१ र २२ मा सम्पन्न एन्जाको तेश्रो अधिवेशनबाट तिवारीको अध्यक्षतामा नयाँ कार्यसमिति चयन गरिएको हो । अध्यक्ष सहित केही पदमा निर्वाचन भएपनि केही पदाधिकारीहरु भने सर्वसम्मत चयन भएका थिए ।
कुल ४३ मत मध्ये अध्यक्षका प्रत्यासी तिवारीले २५ मत सहित निर्वाचित हुँदा उनका निकटतम प्रतिद्धन्दी नारायण खड्काले १८ मत प्राप्त गरेका थिए । त्यस्तै उपाध्यक्षमा २२ मत सहित माधव प्रसाद गैरे निर्वाचित भएका छन् भने उनका प्रतिष्प्रधी प्रकाश हुमागाईाले १९ र सिता कुमारी विश्वकर्माले २ मत प्राप्त गरेका थिए । सदस्य पदका लागि भएको निर्वाचनमा सरल गुरुङ सबैभन्दा धेरै ४० मत सहित निर्वाचित भएका छन् त्यस्तै सदस्यहरुमै विनायक अधिकारी (३४ मत), गोपाल छन्त्याल (३३ मत) र केदार रायमाझी (२७ मत) सहित निर्वाचित भएका छन् ।अधिवेशबाट महासचिव गणेश भट्ट, कोषाध्यक्ष खगेन्द्र सत्याल सचिव तक्दीर अधिकारी, पब्लिक आफिसर कोम खत्री तथा प्रवक्ता मिलन दाहाल सर्वसम्मत निर्वाचित भएका छन् ।
कार्यक्रममा अस्ट्रेलियाका लागि नेपाली राजदूत चित्रलेखा यादव, एनआरएनए अध्यक्ष अनिल पोखरेल, एनआरएनए क्षेत्रीय संयोजक दिनेश पोखरेल, तराई समाज अष्ट्रेलियाका अध्यक्ष रञ्जित शाह, नारी निकुञ्जकी राष्ट्रिय संयोजक सङ्गीता चापागाईं, एकाका अध्यक्ष कोमलराज पाठक, प्रवासी नेपाली मञ्च अन्तर्राष्ट्रिय समितिका उपाध्यक्ष रमेश पाण्डे लगायतले नयाँ कार्यसमितिलाई बधाई व्यक्त गर्दै पत्रकारिताका मर्म र धर्मबाट कतिपनि विचलित नभई, नि : स्वार्थ सञ्चारकर्म गर्न आग्रह गरेका थिए ।
एनआरएनए अस्ट्रेलियाका अध्यक्ष अनिल पोखरेलले पत्रकार सम्बन्धी केही तिता मिठा अनुभवहरु सुनाएका थिए । साथै सोही कार्यक्रममै निवर्तमान अध्यक्ष देवकोटाले निर्वाचित अध्यक्ष तिवारीलाई पदभार ग्रहण गरेका थिए भने निर्वाचित अध्यक्ष तिवारीले निवर्तमान अध्यक्ष देवकोटालाई मायाको चिनो प्रदान गरेका थिए । अधिवेशनकै अवसर पारेर एन्जाले प्रत्येक वर्ष वितरण गर्दै आएको १ हजार डलर अस्ट्रेलियन डलर राशिको ‘स्वर्गीय टिका कार्की सक्रिय पत्रकारिता पुरस्कार’ पत्रकार सरल गुरुङलाई प्रदान गरिएको छ । नेपाल ट्युबका सम्पादक गुरुङ प्रवासी नेपाली समुदायका गतिविधि र कथाहरू निरन्तर सम्प्रेषण गर्दै आएका छन् ।
अध्यक्षमा निर्वाचित भएपश्चात लण्डन नेपाल न्यूजसंग कुराकानी गर्दै कृष्ण तिवारीले निकै सक्रिय र क्रियाशिल टिम आफ्नो नेतृत्वमा आएको भन्दै संस्थालाई अझै बढी क्रियाशिल बनाउँदै शसक्त भएर काम गर्ने प्रतिक्रिया दिए ।यस्तै एन्जाका संरक्षक एवम् संस्थापक हेमन्त काफ्लेले नयाँ निर्वाचित कार्यसमितिलाई सफल कार्यकालको शुभकामना व्यक्त गर्दै नेपाली समुदाय र नेपालीहरुको पक्षमा सशक्त भएर कलम चलाउन आग्रह गरे ।
एन्जाको निवर्तमान अध्यक्ष चिरञ्जिवी देवकोटाले आफ्नो कार्यकाल शसक्त भएको भन्दै आगामी कार्यकाल पनि समयको माग अनुसार परिवर्तित हुँदै सफल हुने अपेक्षा व्यक्त गरे । आफु संरक्षक भएपनि पदेन सदस्य कायम रहने भएकाले कार्यसमितिलाई आवश्यक सहयोग गर्ने बताए । निवर्तमान महासचिव नारायण खड्का, एन्जाको उपाध्यक्षद्धय छत्र शंकर र प्रकाश हुमागाईँले शुभकामना दिएका थिए ।
अध्यक्षमा निर्वाचित भएपश्चात लण्डन नेपाल न्यूजसंग कुराकानी गर्दै कृष्ण तिवारीले निकै सक्रिय र क्रियाशिल टिम आफ्नो नेतृत्वमा आएको भन्दै संस्थालाई अझै बढी क्रियाशिल बनाउँदै शसक्त भएर काम गर्ने प्रतिक्रिया दिए ।यस्तै एन्जाका संरक्षक एवम् संस्थापक हेमन्त काफ्लेले नयाँ निर्वाचित कार्यसमितिलाई सफल कार्यकालको शुभकामना व्यक्त गर्दै नेपाली समुदाय र नेपालीहरुको पक्षमा सशक्त भएर कलम चलाउन आग्रह गरे ।एन्जाको निवर्तमान अध्यक्ष चिरञ्जिवी देवकोटाले आफ्नो कार्यकाल शसक्त भएको भन्दै आगामी कार्यकाल पनि समयको माग अनुसार परिवर्तित हुँदै सफल हुने अपेक्षा व्यक्त गरे । आफु संरक्षक भएपनि पदेन सदस्य कायम रहने भएकाले कार्यसमितिलाई आवश्यक सहयोग गर्ने बताए । निवर्तमान महासचिव नारायण खड्का, एन्जाको उपाध्यक्षद्धय छत्र शंकर र प्रकाश हुमागाईँले शुभकामना दिएका थिए ।
