राहतको जस्तापाता बिक्री गर्न खोजेपछि नुवाकोटमा तनाव

नुवाकोट, १६ जेष्ठ । नुवाकोटमा भूकम्प प्रभावितहरुका लागि लगिएको दुई सय ७० बन्डल जस्तापाता मध्येका केही जस्तापाता बिक्रीका लागि काठमाडौं ल्याउँदै गरेको अवस्थामा स्थानीयबासीले नियन्त्रणमा लिएका छन् । उनीहरुले स्थानीय कांग्रेस कार्यकर्ता रमेश महतले जस्तापाता बिक्रीका लागि काठमाडौं ल्याउँदै गरेको आरोपसमेत लगाएका छन् ।
नुवाकोटको कविलासका लागि लगिएको जस्तापातामध्ये महतले ३० बन्डल झिकेर रातारात गाउँबाट काठमाडौँं ल्याउन लागेपछि स्थानीयबासिन्दा विरोधमा उत्रिएका हुन् । स्थानीयहरुले महतमाथि कारबाहीको माग राखेर छहरे क्षेत्रमा प्रदर्शनसमेत गरेका छन् ।