भारत सरकारले बिराटनगरमा खडा गरेको क्याम्प अफिस बन्द भएपछि यसले गर्दै आएको काम कारवाहीका लागि काठमाडौंस्थित भारतीय दूतावासमा सम्पर्क राख्नुपर्ने जानकारी दिएको छ ।
भारतीय दूतावासले एक पत्र जारी गर्दै बिराटनगर क्याम्प अफिसले गर्दै आएको गाडीको परमिट, भारतीय नागरिकको प्रमाणपत्र दर्ता गर्ने, कागजातहरुको प्रमाणिकरण, जन्म र मृत्यु दर्ता लगायतका कार्यहरुका लागि साउन १६ गतेदेखि काठमाडौंस्थित भारतीय दूतावासमा सम्पर्क राख्नुपर्ने जानकारी दिएको छ ।
जुन उद्देश्य लिएर अफिस खोलिएको थियो त्यो पूरा भएको भन्दै भारत सरकारले अब यसलाई बन्द गरेको छ ।
